December 06, 2023
December 06, 2023
ജിസാൻ: സൗദി അറേബിയയിലെ ജിസാനിലെ ദർബിൽ ബംഗ്ലാദേശ് പൗരന്റെ കുത്തേറ്റ് പാലക്കാട് സ്വദേശി മരിച്ചു. മണ്ണാർക്കാട് ഒന്നാം മൈൽ കൂമ്പാറ ചേരിക്കപ്പാടം സ്വദേശി സി.പി അബ്ദുൽ മജീദാണ് (47) കൊല്ലപ്പെട്ടത്. ഇന്നലെ (ചൊവ്വാഴ്ച) രാത്രി ഒൻപത് മണിയോടെ ഇദ്ദേഹത്തിന്റെ ശീഷ കടയിൽ വെച്ചായിരുന്നു സംഭവം.
സംഭവത്തിൽ മൂന്ന് ബംഗ്ളാദേശി പൗരന്മാരെ പോലീസ് അറസ്റ്റ് ചെ്തിട്ടുണ്ട്. മജീദിന്റെ ഉടമസ്ഥതയിലുള്ള കടയിൽ താൽക്കാലികമായി ജോലി ചെയ്തിരുന്ന ബംഗ്ലാദേശി പൗരനെ ജോലിയിൽ നിന്നും പിരിച്ചു വിട്ടിരുന്നു. എന്നാൽ ഇയാൾ സുഹൃത്തുക്കളുമായി തിരിച്ചെത്തി വീണ്ടും ജോലി ആവശ്യപ്പെട്ടതിനെ തുടർന്നുണ്ടായ വാക്കു തർക്കമാണ് കൊലപാതകത്തിൽ കലാശിച്ചത്. വാക്കുതർക്കത്തിനിടെ ഒരാൾ കത്തികൊണ്ട് മജീദിന്റെ കഴുത്തിൽ കുത്തുകയായിരുന്നു. മജീദ് സംഭവസ്ഥലത്ത് വെച്ചു തന്നെ കൊല്ലപ്പെട്ടു.
മൃതദേഹം ദർബ് ആശുപത്രി മോർച്ചറിയിലാണ്. പിതാവ്: സി.പി സൈദ് ഹാജി, മാതാവ്: സൈനബ, ഭാര്യ: ഇ.കെ റൈഹാനത്ത്, മക്കൾ: ഫാത്തിമ നാജിയ, മിദ്‌ലാജ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
