November 23, 2023
November 23, 2023
റിയാദ്: സൗദി അറേബ്യയിലെ പെയ്ഡ് പാര്ക്കിങ്ങുകളില് ആദ്യത്തെ 20 മിനിറ്റില് സൗജന്യ പാര്ക്കിങ്ങ് അനുവദിച്ചു. പെയ്ഡ് പാര്ക്കിങ്ങില് സൗജന്യം അനുവദിച്ചുള്ള വ്യവസ്ഥയ്ക്ക് സൗദി മുന്സിപ്പല്, ഗ്രാമ, പാര്പ്പിടകാര്യ മന്ത്രി മാജിദ് അല്ഹുഖൈല് അംഗീകാരം നല്കി. വാണിജ്യ സ്ഥാപനങ്ങളില് എത്തുന്നവര്ക്ക് പാര്ക്കിങ്ങ് ലഭ്യമാക്കുന്നതിനും പെയ്ഡ് പാര്ക്കിങ് മേഖലയില് നിക്ഷേപം പ്രോല്സാഹിപ്പിക്കാനും ലക്ഷ്യമിട്ടാണ് പുതിയ വ്യവസ്ഥ.
പാര്ക്കിങ് ഏരിയയില് പ്രവേശിച്ച് 20 മിനിറ്റ് കഴിഞ്ഞതിന് ശേഷമുള്ള സമയത്ത് മാത്രമാണ് ഇനി ഫീസ് നല്കേണ്ടത്. നിലവില് 7 മിനിറ്റ് മാത്രമായിരുന്നു സൗജന്യം അനുവദിച്ചിരുന്നത്. അതേസമയം അംഗ പരിമിതര്ക്ക് പാര്ക്കിംഗ് പൂര്ണമായും സൗജന്യമാണ്. വ്യാപാര സ്ഥാപനങ്ങളുടേയും സര്ക്കാര് വകുപ്പുകളുടേയും പാര്ക്കിങ്ങുകളില് ഇത് ബാധകമാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F