October 25, 2023
October 25, 2023
ദമ്മാം: സൗദി ആഭ്യന്തര മന്ത്രാലയത്തിന്റെ 'അബ്ഷിർ' പ്ലാറ്റ്ഫോമിൽ കൂടുതൽ സേവനങ്ങൾ ഉൾപ്പെടുത്തിയതായി അധികൃതർ അറിയിച്ചു. എട്ട് സേവനങ്ങളാണ് പുതുതായി അബ്ഷിർ പ്ലാറ്റ്ഫോമിൽ ഉൾപ്പെടുത്തിയത്. പൊതുസുരക്ഷാ വകുപ്പ് മേധാവി ജനറൽ മുഹമ്മദ് അൽബസ്സാമിയും നാഷണൽ ഇൻഫർമേഷൻ സെന്റർ മേധാവി ഡോക്ടർ ഉസാം അൽവഖീതും ചേർന്നാണ് പുതിയ സേവനങ്ങളുടെ പ്രഖ്യാപനം നടത്തിയത്.
സ്വദേശികൾക്കും വിദേശികൾക്കുമായി 350ൽ കൂടുതൽ സേവനങ്ങളാണ് അബ്ഷിർ വഴി ലഭ്യമാക്കുന്നത്. ഉപയോക്താക്കൾക്ക് സർക്കാർ ഓഫീസുകൾ സന്ദർശിക്കാതെ തന്നെ നിയമനടപടികൾ ഓൺലൈനിൽ പൂർത്തിയാക്കാമെന്നതാണ് പ്ലാറ്റഫോമിന്റെ പ്രത്യേകത.
കുടുംബക്കാർക്കിടയിലെ വാഹനങ്ങളുടെ ഉടമസ്ഥവകാശ കൈമാറ്റം, കമ്പനികളുടെ ഉടമസ്ഥതിയിലുള്ള വാഹനങ്ങളുടെ നമ്പർ പ്ലേറ്റ് മാറ്റൽ, ഷോറുമുകളിൽ നിന്നുള്ള വാഹന രജിസ്ട്രേഷൻ, ബൈക്ക് ഉടമസ്ഥവകാശത്തിന്റെ കൈമാറ്റവും രജിസ്ട്രേഷനും, മുൻകൂട്ടിയുള്ള ഡ്രൈവിംഗ് ലൈസൻസ്, വാഹന രജിസ്ട്രേഷൻ പുതുക്കൽ തുടങ്ങിയ സേവനങ്ങളാണ് പുതുതായി അബ്ഷീറിൽ ഉൾപ്പെടുത്തിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F