October 24, 2023
October 24, 2023
റിയാദ്: സൗദിയില് എല്ലാവിധ സന്ദര്ശക വിസകളും ആറുമാസം വരെ ഓണ്ലൈനില് പുതുക്കാമെന്ന് സൗദി ജവാസാത്ത് ഡയറക്ടറേറ്റ് അറിയിച്ചു. സിംഗിള് എന്ട്രി, മള്ട്ടിപ്പിള് എന്ട്രി വിസകളെല്ലാം ഓണ്ലൈനിലൂടെ ഇനി പുതുക്കാന് കഴിയും. അബ്ശിര് , മുഖീം പ്ലാറ്റ്ഫോമുകള് വഴിയാണ് പുതുക്കേണ്ടത്. 180 ദിവസം വരെ രാജ്യത്തിന് പുറത്തുപോകാതെയും ജവാസാത്ത് ഓഫീസ് സന്ദര്ശിക്കാതെയും വിസ ഇനി പുതുക്കാന് കഴിയും.
ബിസിനസ്, ഫാമിലി, വ്യക്തിഗത സന്ദര്ശക വിസകളെല്ലാം അബ്ശിര് , മുഖീം പ്ലാറ്റ്ഫോമുകള് വഴി പുതുക്കാന് സാധിക്കും. എന്നാല് പുതുക്കുന്നതിനുള്ള ഫീസ് ഘടനയില് മാറ്റമില്ല. വിസ നീട്ടുന്നതിന് 100 റിയാലാണ് അടക്കേണ്ടത്. വിസ കാലാവധി അവസാനിക്കുന്നതിന് ഏഴ് ദിവസം മുമ്പ് ഇത് സംബന്ധിച്ച് ജവാസാത്തില് നിന്ന് സന്ദേശമെത്തും. അതേസമയം വിസ പുതുക്കുന്നതിന് മെഡിക്കല് ഇന്ഷുറന്സ് നിര്ബന്ധമാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F