August 27, 2023
August 27, 2023
ദോഹ: ഖത്തർ ആസ്ഥാനമായ ഖത്തർ നാഷണൽ ബാങ്കിന്റെ (ക്യുഎൻബി) സൗദിയിലെ പുതിയ ബ്രാഞ്ച് ജിദ്ദയിൽ ആരംഭിച്ചു. 2017ലാണ് ക്യുഎൻബി സൗദിയിലെ ആദ്യ ബ്രാഞ്ച് റിയാദിൽ സ്ഥാപിച്ചത്.
'മേഖലയിലെ ഏറ്റവും പ്രധാനപ്പെട്ട സാമ്പത്തിക വിപണികളിലൊന്നാണ് ജിദ്ദ. സൗദിയിലെ ബാങ്കിംഗ് ബിസിനസ്സ് ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള ശ്രമങ്ങളെ ഈ ശാഖ പിന്തുണയ്ക്കുമെന്നാണ് പ്രതീക്ഷിക്കുന്നത്,' ക്യുഎൻബി സിഇഒ അബ്ദുല്ല മുബാറക് അൽ ഖലീഫ പറഞ്ഞു.
മിഡിൽ ഈസ്റ്റിലെയും ആഫ്രിക്കയിലെയും ഏറ്റവും വലിയ ധനകാര്യ സ്ഥാപനമാണ് ക്യുഎൻബി. മൂന്ന് ഭൂഖണ്ഡങ്ങളിലായി 28 ലധികം രാജ്യങ്ങളിലാണ് ക്യുഎൻബിയുടെ സാന്നിധ്യമുള്ളത്. ക്യുഎൻബിയുടെ ഉപഭോക്താക്കൾക്ക് വിപുലമായ ഉൽപ്പന്നങ്ങളും സേവനങ്ങളുമാണ് കമ്പനി വാഗ്ദാനം ചെയ്യുന്നത്. 4,900-ലധികം എടിഎം മെഷീനുകളും, 900 കമ്പനി ലൊക്കേഷനുകളും 29,000-ത്തിലധികം ഉപഭോക്താക്കളുമാണ് ക്യുഎൻബിയ്ക്കുള്ളത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9