December 17, 2023
December 17, 2023
റിയാദ്: സൗദി അറേബ്യയില്‍ താമസ, തൊഴില്‍ നിയമങ്ങള്‍ കര്‍ശനമാക്കുന്നു. നിയമങ്ങള്‍ ലംഘിക്കുന്നവര്‍ക്കും നുഴഞ്ഞുകയറ്റക്കാരെ സഹായിക്കുന്നവര്‍ക്കും ആഭ്യന്തര മന്ത്രാലയം മുന്നറിയിപ്പ് നല്‍കി. വിവിധ പ്രദേശങ്ങളിലായി റസിഡന്‍സി, തൊഴില്‍ നിയമങ്ങള്‍ ലംഘിച്ച 18,428 പേരെ അറസ്റ്റ് ചെയ്തതായും മന്ത്രാലയം അറിയിച്ചു. ഡിസംബര്‍ 7 മുതല്‍ 13 വരെ സുരക്ഷാ സേന നടത്തിയ കാമ്പയിന്റെ ഭാഗമായാണ് നടപടി. രാജ്യത്തേക്ക് നുഴഞ്ഞുകയറാന്‍ ശ്രമിച്ച ആയിരം പേരും പിടിയിലായി.
അതേസമയം നിയമലംഘനങ്ങള്‍ക്ക് സൗകര്യമൊരുക്കുന്നവര്‍ക്കെതിരെയും അധികൃതര്‍ നടപടി ശക്തമാക്കി. നിയമലംഘകര്‍ക്ക് ഏതെങ്കിലും തരത്തിലുള്ള സഹായമോ സേവനമോ നല്‍കുന്നവരെ കണ്ടെത്തിയാല്‍ പതിനഞ്ച് വര്‍ഷം വരെ തടവും പരമാവധി ഒരു ദശലക്ഷം റിയാല്‍ പിഴയും ചുമത്തുമെന്ന് മന്ത്രാലയം മുന്നറിയിപ്പ് നല്‍കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
