September 03, 2023
September 03, 2023
ജിദ്ദ: സൗദിയിലെ പ്രവാസികൾക്ക് വമ്പൻ ഓഫറുകൾ പ്രഖ്യാപിച്ച് ജസീറ എയർവേയ്‌സ്. മൂന്നു ദിവസത്തിനുള്ളിൽ ജസീറ ഫ്ലൈറ്റിൽ യാത്ര ചെയ്യുന്നവർക്കാണ് ഈ പ്രത്യേക ഇളവുകൾ ലഭിക്കുന്നത്. ജിദ്ദയിൽ നിന്ന് കൊച്ചി, മുംബൈ, ഡൽഹി, ബംഗളൂരു, ചെന്നൈ, ഹൈദരാബാദ് എന്നിവടങ്ങളിലേക്കാണ് ഓഫറുള്ളതായി അധികൃതർ അറിയിച്ചത്.
ജിദ്ദയിൽ നിന്ന് കൊച്ചിയിലേക്ക് 349 റിയാലും, മുംബൈയിലേക്ക് 199 റിയാലും, ബംഗളൂരുവിലേക്ക് 299 റിയാലും, ഹൈദരാബാദിലേക്ക് 249 റിയാലുമാണ് ടിക്കറ്റ് നിരക്ക്. അതേസമയം, റിയാദിൽ നിന്ന് ചെന്നൈയിലേക്കും ബംഗളൂരുവിലേക്കും 299 റിയാലും, ഹൈദരാബാദിലേക്ക് 229 റിയാലും, മുംബൈയിലേക്ക് 169 റിയാലും, ഡൽഹിയിലേക്ക് 169 റിയാലും, കൊച്ചിയിലേക്ക് 349 റിയാലുമാണ് നിരക്ക്.
ദമാമിൽ നിന്ന് ചെന്നൈ, കൊച്ചി, ഹൈദരാബാദ് എന്നീ സ്ഥലങ്ങളിലേക്ക് 299 റിയാലാണ് ടിക്കറ്റ് വില വരുന്നത്. കൂടാതെ, മദീനയിൽ നിന്ന് മുംബൈ, ഡൽഹി, കൊച്ചി, ബംഗളൂരു, ചെന്നൈ, ഹൈദരാബാദ് എന്നിവടങ്ങളിലേക്കും 299 റിയാൽ ടിക്കറ്റിൽ സർവീസുണ്ട്. ഖസീമിൽ നിന്ന് കൊച്ചിയിലേക്കും, ഹൈദരാബാദിലേക്കും 299 റിയാലിന് തന്നെയാണ് ടിക്കറ്റുകൾ നൽകുന്നത്. അബഹയിൽ നിന്ന് മുംബൈയിലേക്ക് 249 റിയാലാണ് നിരക്ക്.
ഹായിലിൽ നിന്ന് കൊച്ചി (349 റിയാൽ) ഡൽഹി (299 റിയാൽ), ഹൈദരാബാദ് (299 റിയാൽ), മുംബൈ (399 റിയാൽ) എന്നിങ്ങനെയും ഓഫർ ടിക്കറ്റ് ലഭ്യമാണ്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
