August 20, 2023
August 20, 2023
ടോക്കിയോ :ഗൾഫ് സഹകരണ കൗൺസിൽ (ജിസിസി) രാജ്യങ്ങളിലെ വിദേശകാര്യ മന്ത്രിമാരുമായി ജപ്പാൻ സൗദിഅറേബ്യയിൽ കൂടിക്കാഴ്ചയ്ക്ക് തയാറെടുക്കുന്നതായി ക്യോഡോ വാർത്താ ഏജൻസി റിപ്പോർട്ട് ചെയ്തു. സപ്തംബർ ആദ്യ വാരത്തിൽ യോഗം ചേരുമെന്നാണ് റിപ്പോർട്ട്.
മിഡിൽ ഈസ്റ്റിൽ നിന്ന് സുസ്ഥിരമായ ഊർജ വിതരണം ഉറപ്പാക്കാൻ എണ്ണ ഉൽപാദക രാജ്യങ്ങളുമായുള്ള ബന്ധം ശക്തിപ്പെടുത്തുകയാണ് ജപ്പാൻ ഇതിലൂടെ ലക്ഷ്യമിടുന്നതെന്നാണ് റിപ്പോർട്ട്. ജപ്പാൻ വിദേശകാര്യ മന്ത്രി യോഷിമാസ ഹയാഷി യോഗത്തിൽ പങ്കെടുക്കുമെന്നാണ് വിവരം.അതേസമയം,, ജപ്പാൻ വിദേശകാര്യ മന്ത്രാലയത്തിൽ നിന്ന് ഇതുസംബന്ധിച്ച് ഔദ്യോഗിക അറിയിപ്പുകളൊന്നും ലഭിച്ചിട്ടില്ലെന്നും ക്യോഡോ വ്യക്തമാക്കി. ജപ്പാനും ജിസിസി രാജ്യങ്ങളും തമ്മിൽ സ്വതന്ത്ര വ്യാപാര കരാറിനെക്കുറിച്ചുള്ള ചർച്ചകൾ പുനരാരംഭിക്കുന്നതായി ജൂലൈയിൽ പ്രഖ്യാപിച്ചിരുന്നു.
സെപ്റ്റംബറിൽ നടക്കാനിരിക്കുന്ന യോഗത്തിൽ സ്വതന്ത്ര വ്യാപാര കരാറിനെക്കുറിച്ചും, ഊർജ്ജ സ്രോതസ്സുകളിലെ സാങ്കേതിക സഹകരണത്തെക്കുറിച്ചും ചർച്ച ചെയ്യുമെന്നാണ് പ്രതീക്ഷിക്കുന്നത്. ഇറാന്റെ ആണവ പദ്ധതിയും അജണ്ടയിലുണ്ടാകുമെന്ന് റിപ്പോർട്ടുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R