October 21, 2023
October 21, 2023
ഗസ: ഇസ്രയേല്‍ സംഘര്‍ഷം തുടരുന്ന ഗസയില്‍ മരുന്നുകളും വൈദ്യുതിയും ഇല്ലാതെ ആശുപത്രികളുടെ പ്രവര്‍ത്തനം നിലച്ചു. മിക്ക ആശുപത്രികളിലും അവശ്യമരുന്നുകള്‍ പോലും ഇല്ലാത്ത അവസ്ഥയാണ്. വൈദ്യുതി ഇല്ലാത്തതിനാല്‍ മൊബൈലുകളുടേയും ടോര്‍ച്ചുകളുടേയും വെളിച്ചത്തിലാണ് ആശുപത്രികളില്‍ ശസ്ത്രക്രിയകള്‍ അടക്കം നടക്കുന്നത്.
മുറിവുണക്കാന്‍ മരുന്നായി വിനാഗിരിയാണ് ഉപയോഗിക്കുന്നതെന്നും വെളിച്ചവും മരുന്നുകളും ഇല്ലാത്തത് കടുത്ത വെല്ലുവിളി ഉയര്‍ത്തുന്നുവെന്നും നാസര്‍ ആശുപത്രിയിലെ എമര്‍ജന്‍സി ഡയറക്ടര്‍ ഡോ. മുഹമ്മദ് കന്‍തീല്‍ പറഞ്ഞു. ഐസിയുവിലും മറ്റും കഴിയുന്നവരുടെ സ്ഥിതി അതിദയനീയമാണെന്നും അദ്ദേഹം വ്യക്തമാക്കി. ഗസയിലെ ഏഴ് പ്രധാന ആശുപത്രികളും 21 ആരോഗ്യ കേന്ദ്രങ്ങളും പ്രവര്‍ത്തനരഹിതമായതായി ഗസ ആരോഗ്യ മന്ത്രാലയ വക്താവ് അഷ്‌റഫ് അല്‍ ഖുദ്രയും പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
