January 31, 2024
January 31, 2024
ദോഹ: എ.എഫ്.സി ഏഷ്യൻ കപ്പിന്റെ അവസാന റൗണ്ട് ഓഫ് 16 മത്സരത്തിൽ സിറിയ പരാജയപ്പെട്ടു. ഇന്നത്തെ മത്സരത്തിൽ എതിരാളികളായ ഇറാൻ 6-4 എന്ന സ്കോറിന് വിജയിച്ചു. ഇന്ന് (ബുധൻ) അബ്ദുല്ല ബിൻ ഖലീഫ സ്റ്റേഡിയത്തിൽ രാത്രി 7നായിരുന്നു മത്സരം.
മത്സരത്തിന്റെ 34-ാം മിനിറ്റിൽ (പെനാൽറ്റി) ഇറാന്റെ മെഹ്ദി താരിമിയാണ് ഗോൾ നേടിയത്. 64-ാം മിനിറ്റിൽ പെനാൽറ്റിയിലൂടെ തന്നെ സിറിയയുടെ ഒമർ ക്രിബിൻ ഒരു ഗോൾ സ്വന്തമാക്കി. സ്കോർ സമനിലയിൽ ആയതോടെ വീണ്ടും അധിക സമയം നൽകിയെങ്കിലും ഇരു ടീമുകൾക്കും ഗോളുകൾ നേടാനായില്ല. തുടർന്ന് മത്സരം പെനാൽറ്റിയിലേക്ക് പോയി. പെനാൽറ്റിയിലൂടെ 5 സ്കോറും സ്വന്തമാക്കി ഇറാൻ ക്വാർട്ടർ ഫൈനലിൽ പ്രവേശിച്ചു. ഇതോടെ എ.എഫ്.സി മത്സരത്തിൽ നിന്ന് സിറിയ പുറത്തായി.
അതേസമയം, ഫെബ്രുവരി 2ന് ആരംഭിക്കുന്ന ക്വാർട്ടർ ഫൈനലിന്റെ ആദ്യ മത്സരത്തിൽ തജികിസ്ഥാൻ ജോർദാനെതിരെ മത്സരിക്കും. ഉച്ചക്ക് 2:30ന് അഹ്മദ് ബിൻ അലി സ്റ്റേഡിയത്തിലാണ് മത്സരം. കൂടാതെ, വൈകിട്ട് 6:30ന് അൽ ജനൂബ് സ്റ്റേഡിയത്തിൽ ഓസ്ട്രേലിയ-സൗത്ത് കൊറിയ മത്സരവും നടക്കും.
ക്വാർട്ടർ ഫൈനലിന്റെ അവസാന ദിവസമായ ഫെബ്രുവരി 3ന് ഉച്ചക്ക് 2:30ന് എജ്യൂക്കേഷൻ സിറ്റി സ്റ്റേഡിയത്തിൽ ജപ്പാൻ-ഇറാൻ മത്സരവും, വൈകിട്ട് 6:30ന് അൽ ബൈത്ത് സ്റ്റേഡിയത്തിൽ ഖത്തർ-ഉസ്‌ബെക്കിസ്ഥാൻ മത്സരവും നടക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
