February 15, 2024
February 15, 2024
റിയാദ്- ഈ വര്ഷത്തെ ഹജ്ജ് സീസണിലേക്കുള്ള താല്ക്കാലിക ജോലികളിലേക്ക് ഇന്ത്യന് പ്രവാസികളില് നിന്ന് ജിദ്ദ കോണ്സുലേറ്റ് ജനറല് ഓഫ് ഇന്ത്യ അപേക്ഷ ക്ഷണിച്ചു. ഡാറ്റാ എന്ട്രി ഓപറേറ്റര്, ക്ലര്ക്ക്, ഡ്രൈവര്മാര്, മെസഞ്ചര്മാര് എന്നിവരുടെ താല്ക്കാലിക ജോലികളിലേക്കാണ് അപേക്ഷ ക്ഷണിച്ചത്. താല്പര്യമുള്ള 18 വയസ്സ് പൂര്ത്തിയായ ഇന്ത്യന് പ്രവാസികള് ആവശ്യമായ രേഖകള് സഹിതം അപേക്ഷ സമര്പ്പിക്കണമെന്ന് കോണ്സുലേറ്റ് അറിയിച്ചു. മാര്ച്ച് 14 വരെ അപേക്ഷിക്കാന് അവസരമുണ്ട്.
ക്ലര്ക്ക്, ഡാറ്റാഎന്ട്രി പോസ്റ്റുകളില് 3600 റിയാല്, ഡ്രൈവര് 2880 റിയാല്, മെസഞ്ചര് 1980 റിയാല് എന്നിങ്ങനെയാണ് ശമ്പള സ്കെയില്.
കാലാവധിയുള്ള ഇഖാമ, പാസ്പോര്ട്ട്, വിദ്യാഭ്യാസ സര്ട്ടിഫിക്കറ്റ് എന്നിവയുടെ കോപ്പികള്, സ്പോണ്സറില് നിന്നുള്ള നോ ഒബ്ജക്ഷന് ലെറ്റര് (NOC), ഡ്രൈവര് പോസ്റ്റിന് ഡ്രൈവിംഗ് ലൈസന്സ്, രണ്ട് ഫോട്ടോ എന്നിവ സഹിതം ഇന്ത്യന് കോണ്സുലേറ്റിലെ ഹജ്ജ് വിഭാഗത്തില് അപേക്ഷിക്കണം. കോണ്സുലേറ്റിന്റെ വെബ്സൈറ്റില് നിന്ന് അപേക്ഷ ഫോം ഡൗണ്ലോഡ് ചെയ്യാം.
അംഗീകൃത യൂണിവേഴ്സ്റ്റി ബിരുദം, ഏതെങ്കിലും ഒരു ഇന്ത്യന് ഭാഷയോടൊപ്പം അറബി ഭാഷാ പരിചയം എന്നിവയുള്ളവര്ക്കാണ് ക്ലര്ക്ക് പോസ്റ്റില് മുന്ഗണന. കമ്പ്യൂട്ടര് ആപ്ലിക്കേഷനില് ഡിപ്ലോമ സര്ട്ടിഫിക്കറ്റുള്ളവര്ക്ക് ഡാറ്റാ എന്ട്രി പോസ്റ്റിലേക്ക് അപേക്ഷിക്കാം. മക്ക, മദീന എന്നിവിടങ്ങളില് താമസിക്കുന്നവര്ക്കാണ് മുന്ഗണന.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F