November 12, 2023
November 12, 2023
ജിദ്ദ: മക്കയിലെ മരുഭൂമിയിലേക്ക് സംസ്‌കരിക്കാത്ത മലിനജലം അനധികൃതമായി ഒഴുക്കിവിട്ട ഇന്ത്യന്‍ പ്രവാസി പിടിയിലായി. ശുദ്ധീകരിക്കാത്ത മലിനജലം അനധികൃതമായി ഒഴിവാക്കിയ സംഭവത്തില്‍ മക്കയിലെ പരിസ്ഥിതി സുരക്ഷ പ്രത്യേക സേനയാണ് ഇന്ത്യക്കാരനെ പിടികൂടിയത്. ഇയാള്‍ക്കെതിരെ സ്‌പെഷ്യല്‍ ഫോഴ്‌സ് നടപടിയും സ്വീകരിച്ചു. ഇത്തരം സംഭവങ്ങള്‍ ആവാസവ്യവസ്ഥയ്ക്ക് ഗുരുതര ഭീഷണിയാണെന്നും അധികൃതര്‍ ചൂണ്ടിക്കാട്ടി.
പാരസ്ഥിതിക കുറ്റകൃത്യങ്ങള്‍ക്ക് സൗദി നിയമത്തില്‍ കടുത്ത ശിക്ഷകളാണ് വ്യവസ്ഥ ചെയ്തിട്ടുള്ളത്. മലിനജലം ഉള്‍പ്പെടെയുള്ള ശുദ്ധീകരിക്കാത്ത ദ്രാവകങ്ങള്‍ ഒഴുക്കിവിടുകയോ വലിച്ചെറിയുകയോ ചെയ്താല്‍ 30 ദശലക്ഷം റിയാല്‍ വരെ പിഴ ഈടാക്കും. കൂടാതെ പത്ത് വര്‍ഷം വരെ ജയില്‍ ശിക്ഷയും വിധിക്കും.
പരിസ്ഥിതി സംരക്ഷണത്തില്‍ സജീവമായ പങ്ക് വഹിക്കാനും പരിസ്ഥിതിയേയോ വന്യജീവികളെയോ ദോഷകരമായി ബാധിക്കുന്ന പ്രവര്‍ത്തനങ്ങള്‍ ശ്രദ്ധയില്‍പ്പെട്ടാല്‍ റിപ്പോര്‍ട്ട് ചെയ്യാനും സൗദി അധികൃതര്‍ പൊതുജനങ്ങളോട് ആഹ്വാനം ചെയ്തു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
