February 17, 2024
February 17, 2024
റിയാദ്: സൗദിയില്‍ പെട്രോള്‍ സ്റ്റേഷനുകളുമായി ബന്ധപ്പെട്ട നിയമലംഘനങ്ങള്‍ക്ക് പുതുക്കിയ പിഴകള്‍ പ്രാബല്യത്തില്‍ വന്നു. മുനിസിപ്പല്‍ ഗ്രാമകാര്യ ഭവന മന്ത്രാലയം അടുത്തിടെയാണ് പിഴകള്‍ പരിഷ്‌കരിച്ചുകൊണ്ടുള്ള ഉത്തരവിറക്കിയത്. പെട്രോള്‍ സ്റ്റേഷനുമായി ബന്ധപ്പെട്ട് 30 തരം നിയമലംഘനങ്ങള്‍ക്കാണ് പിഴത്തുകകള്‍ പുതുക്കി നിശ്ചയിച്ചത്.
ലൈസന്‍സ് ഇല്ലാതെ പെട്രോളിയം ഉല്‍പന്നങ്ങള്‍ വ്യാപാരം ചെയ്യുന്ന സ്റ്റേഷനുകള്‍ അടച്ചുപൂട്ടുകയും 10,000 റിയാല്‍ പിഴ ചുമത്തുകയും ചെയ്യും. നിശ്ചിത മാനദണ്ഡങ്ങളും ഗുണനിലവാരവും പാലിക്കാതെയുള്ള പെട്രോളിയം അല്ലെങ്കില്‍ ഇതര ഉല്‍പ്പന്നങ്ങള്‍ കലര്‍ത്തിയ പെട്രോളിയം വില്‍പന നടത്തിയാലും സ്റ്റേഷന്‍ അടച്ചുപൂട്ടുകയും 10,000 റിയാല്‍ പിഴ ചുമത്തുകയും ചെയ്യും.
പെട്രോള്‍ സ്റ്റേഷനുകളില്‍ സര്‍വിസ് സെന്ററുകള്‍ പ്രവര്‍ത്തിപ്പിക്കാതിരിക്കുകയോ ലൂബ്രിക്കേഷന്‍, ഓയില്‍ ചെയ്ഞ്ചിങ്ങിനുള്ള ഷോപ്പ് പ്രവര്‍ത്തിപ്പിക്കാതിരിക്കുകയോ ചെയ്താല്‍ 5,000 റിയാലാണ് പിഴ. നമസ്‌കാര പള്ളി, കോഫി ഷോപ്പ് അല്ലെങ്കില്‍ റസ്‌റ്റോറന്റ്, ടയര്‍ വില്‍ക്കാനും നന്നാക്കാനുമുള്ള കട എന്നിവ ഇല്ലാതിരുന്നാലും പിഴ ചുമത്തും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
