November 14, 2023
November 14, 2023
ജിദ്ദ: സൗദിയിൽ വാട്സ്ആപ്പ് വഴി ജവാസത്ത് സേവനങ്ങൾ ലഭിക്കുമെന്ന വാർത്ത സൗദി പാസ്പോർട്ട് (ജവാസത്ത്) അധികൃതർ നിഷേധിച്ചു. ജവാസത്ത് സേവനം വാട്സ്ആപ്പ് വഴി നൽകുന്നതിന് ഔദ്യോഗിക അക്കൗണ്ട് സ്ഥാപിച്ചിട്ടില്ലെന്നും ജവാസത്ത് ജനറൽ ഡയറക്ടറേറ്റ് വ്യക്തമാക്കി. നിലവിലെ വാട്സ്ആപ് അക്കൗണ്ട് വ്യാജമാണെന്നും, ഇത്തരം വ്യാജ അക്കൗണ്ടുകൾ കൈകാര്യം ചെയ്യുന്നത് ശിക്ഷാർഹമാണെന്നും അധികൃതർ മുന്നറിയിപ്പ് നൽകി.
‘അബ്ഷിർ’ എന്ന പോർട്ടലും അതിന്റെ മൊബൈൽ ആപ്ലിക്കേഷനും വഴിയാണ് വ്യക്തിഗത ഓൺലൈൻ സേവനങ്ങൾ നൽകുന്നതെന്നും, ഇതല്ലാതെ മറ്റൊരു ഓൺലൈൻ സംവിധാനവും ഔദ്യോഗികമായി നിലവിലില്ലെന്നും അധികൃതർ കൂട്ടിച്ചേർത്തു. അതേസമയം, പൊതുജനങ്ങൾക്ക് ആവശ്യമായ സേവനം നൽകാനും അവരുമായി ആശയവിനിമയം നടത്താനും അവരുടെ സംശയങ്ങളോട് പ്രതികരിക്കാനും സാമൂഹ മാധ്യമങ്ങളിൽ ജവാസത്ത് ഔദ്യോഗിക അക്കൗണ്ടുകളുണ്ടെന്നും അതിൽ നിന്നും വരുന്ന വിവരങ്ങളും വാർത്തകളും മാത്രമേ സ്വീകരിക്കാവൂ എന്നും അധികൃതർ അറിയിച്ചു
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F