January 16, 2024
January 16, 2024
റിയാദ് : സൗദി അറേബ്യയില് കള്ളപ്പണം വെളുപ്പിച്ച കേസില് പ്രവാസിക്ക് അഞ്ച് വര്ഷം തടവ് വിധിച്ചു. പിടിച്ചെടുത്ത സ്വര്ണം കണ്ടുകെട്ടാനും സൗദി കോടതിയാണ് വിധിച്ചതായി പ്രോസിക്യൂട്ടര്മാര് അറിയിച്ചു.
സൗദി വിമാനത്താവളത്തിലൂടെ സ്വദേശത്തേക്ക് സ്വര്ണം കടത്തുന്നതിനിടെയാണ് പ്രതി പിടിയിലായത്. രണ്ട് കിലോ ഭാരമുള്ള പതിനാറ് സ്വര്ണക്കട്ടികള് പ്രതിയില് നിന്ന് പിടിച്ചെടുത്തു. ബാഗില് രഹസ്യമായി ഒളിപ്പിച്ച നിലയിലാണ് സ്വര്ണം പിടിച്ചെടുത്തതെന്ന് പോലീസ് കോടതിയില് വ്യക്തമാക്കി. അതേസമയം പ്രതിയുടെ പൗരത്വം വെളിപ്പെടുത്തിയിട്ടില്ല.
ഇക്കഴിഞ്ഞ ഒക്ടോബറില് ഒരു അറബ് പ്രവാസിയേയും ആറ് സൗദി പൗരന്മാരേയും കള്ളപ്പണം വെളുപ്പിക്കല് കേസില് സൗദി കോടതി ശിക്ഷിച്ചിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F