April 23, 2024
April 23, 2024
റിയാദ്: സൗദി അറേബ്യയില് നിയമവിരുദ്ധമായി പ്രാക്ടീസ് ചെയ്ത പ്രവാസി വനിതാ ഡോക്ടര് പിടിയിലായി. രാജ്യത്തെ ഒരു സ്പെഷ്യലൈസ്ഡ് മെഡിക്കല് കോംപ്ലക്സില് നിന്ന് നിയമവിരുദ്ധമായി ജോലി ചെയ്ത വനിത ഡോക്ടറെ അറസ്റ്റ് ചെയ്തതായി സൗദി ആരോഗ്യ മന്ത്രാലയം അറിയിച്ചു. യുവതിക്ക് ആവശ്യമായ യോഗ്യതയില്ലെന്ന് ആരോഗ്യ മന്ത്രാലയത്തിലെ പരിശോധനാ സംഘം കണ്ടെത്തിയിരുന്നു. ശാസ്ത്രീയ അടിത്തറയില്ലാതെ വാണിജ്യ സ്വഭാവമുള്ള പരസ്യങ്ങള് യുവതി തുടര്ച്ചയായി പ്രസിദ്ധീകരിച്ചതായും ഉദ്യോഗസ്ഥര് കണ്ടെത്തി. നാല് മാസത്തേക്ക് ആരോഗ്യ മേഖലയില് നിന്ന് യുവതിയെ താല്ക്കാലികമായി സസ്പെന്ഡ് ചെയ്തതായും മന്ത്രാലയം അറിയിച്ചു. മന്ത്രാലയത്തിന് കീഴിലെ കംപ്ലയന്സ് ടീമുകളുടെ പരിശോധനയിലാണ് നിയമലംഘനം കണ്ടെത്തിയത്.
രോഗികളുടെ സുരക്ഷ, പൊതുജനാരോഗ്യം, ആരോഗ്യ മേഖലയുടെ സമഗ്രത എന്നിവ സംരക്ഷിക്കുന്നത് ലക്ഷ്യമിട്ടാണ് നടപടി. ലൈസന്സുള്ള സ്ഥാപനങ്ങളില് നിന്നും വ്യക്തികളില് നിന്നും മാത്രമേ ആരോഗ്യ സേവനങ്ങള് സ്വീകരിക്കാവൂ എന്നും മന്ത്രാലയം പൊതുജനങ്ങളോട് ആവശ്യപ്പെട്ടു. സേവനങ്ങള് നല്കുന്ന സ്ഥലങ്ങളില് ലൈസന്സുകള് പ്രദര്ശിപ്പിക്കുന്നത് രോഗികളുടെ അവകാശമാണെന്നും മന്ത്രാലയം ചൂണ്ടിക്കാട്ടി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F