November 21, 2023
November 21, 2023
റിയാദ്: സൗദി അറേബ്യയിലെ ഓജര് കമ്പനിയിലെ ജീവനക്കാര്ക്ക് ശമ്പള കുടിശ്ശികയും ആനുകൂല്യങ്ങളും വിതരണം ചെയ്തുതുടങ്ങി. ആറ് വര്ഷം നീണ്ട നിയമപോരാട്ടത്തിനൊടുവിലാണ് കമ്പനിയിലെ മലയാളികള് ഉള്പ്പെടെയുള്ള തൊഴിലാളികള്ക്ക് ശമ്പള കുടിശ്ശിക വിതരണം ചെയ്യുന്നത്. അഞ്ച് ലക്ഷം റിയാല് വരെ കുടിശ്ശികയുള്ള തൊഴിലാളികള്ക്കാണ് ആദ്യ ഘട്ടത്തില് പണം നല്കുക. കമ്പനിയിലെ പതിനായിരത്തോളം ജീവനക്കാരില് 3500ഓളം പേര് മലയാളികളായിരുന്നു.
38 വര്ഷത്തെ പ്രവര്ത്തന പാരമ്പര്യമുള്ള സൗദിയിലെ ഏറ്റവും വലിയ കമ്പനിയായ ഓജര് 2016ലാണ് സാമ്പത്തിക തകര്ച്ചയെ തുടര്ന്ന് അടച്ചുപൂട്ടിയത്. പത്ത് മാസത്തോളമുള്ള ശമ്പള കുടിശ്ശികയും ആനുകൂല്യങ്ങളും കിട്ടാതായതോടെ തൊഴിലാളികള് കോടതിയെ സമീപിക്കുകയായിരുന്നു. കോടതി വിധിക്ക് പിന്നാലെ കമ്പനിയുടെ ആസ്തികളും മറ്റും വിറ്റ് ലഭിച്ച തുക കുടിശ്ശിക വിതരണത്തിനായി മാനവശേഷി വികസന വകുപ്പ് അല് ഇന്മ ബാങ്കിന് കൈമാറി. നിലവില് സൗദിയില് ഉള്ളവര്ക്ക് ഇഖാമയുമായി നേരിട്ട് ബാങ്കില് എത്തി ഐബാന് ഉള്പ്പെടെയുള്ള അക്കൗണ്ട് വിവരങ്ങള് നല്കി പണം സ്വീകരിക്കാം.
പ്രശ്ന പരിഹാരത്തിന് ഇന്ത്യ ഉള്പ്പെടെയുള്ള രാജ്യങ്ങളിലെ വിദേശകാര്യ മന്ത്രാലയ ഉദ്യോഗസ്ഥര് സൗദി അധികൃതരുമായി ചര്ച്ച നടത്തിയിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F