October 23, 2023
October 23, 2023
റിയാദ്: സൗദിയില്‍ ഇ- സ്‌പോര്‍ട്‌സ് വേള്‍ഡ് കപ്പ് പ്രഖ്യാപിച്ചു. സൗദി ആതിഥേയത്വം വഹിക്കുന്ന ന്യൂ വേള്‍ഡ് സ്‌പോര്‍ട്‌സ് കോണ്‍ഫറന്‍സില്‍ കിരീടവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാനാണ് വേള്‍ഡ് കപ്പിന്റെ പ്രഖ്യാപനം നടത്തിയത്. ഇലക്ട്രോണിക് സ്‌പോര്‍ട്‌സ് വേള്‍ഡ് കപ്പ് ഫൗണ്ടേഷനാണ് ടൂര്‍ണമെന്റ് സംഘടിപ്പിക്കുക. 2024ല്‍ വേള്‍ഡ് കപ്പിന്റെ ആദ്യപതിപ്പ് നടക്കും.
പ്രമുഖ കായിക, അന്തര്‍ദേശീയ മത്സരങ്ങള്‍ക്ക് രാജ്യത്തെ മുന്‍നിരയില്‍ എത്തിക്കുന്നത് ലക്ഷ്യമിട്ടാണ് പുതിയ പ്രഖ്യാപനം. സൗദിയെ ഗെയിമിംഗിനും ഇലക്ട്രോണിക് സ്‌പോര്‍ട്‌സിനും വേണ്ടിയുള്ള ആദ്യത്തെ ആഗോള കേന്ദ്രമാക്കാനുള്ള ചുവടുവെയ്പ്പാണ് ഇതെന്ന് കിരീടാവകാശി പ്രസ്താവനയില്‍ വ്യക്തമാക്കി. പുതിയ തൊഴില്‍ അവസരങ്ങള്‍ സൃഷ്ടിക്കുന്നതിനൊപ്പം ഇലക്ട്രോണിക് ഗെയിമിംഗ് മേഖലയില്‍ താല്‍പര്യമുള്ള സന്ദര്‍ശകരെ ആകര്‍ഷിക്കാനും സൗദി ടൂറിസം മേഖലയെ ഉത്തേജിപ്പിക്കാനും ടൂര്‍ണമെന്റ് സഹായിക്കും. ടൂര്‍ണമെന്റുമായി ബന്ധപ്പെട്ട കൂടുതല്‍ വിവരങ്ങള്‍ ഫൗണ്ടേഷന്‍ പിന്നീട് വെളിപ്പെടുത്തും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
