January 17, 2024
January 17, 2024
റിയാദ്: സൗദിയിൽ പെരുന്നാൾ അവധിയിൽ ഭേദഗതി വരുത്തി. ഇന്നലെ (ചൊവ്വാഴ്ച്ച) റിയാദിൽ സൽമാൻ രാജാവിന്റെ അധ്യക്ഷതയിൽ ചേർന്ന മന്ത്രിസഭായോഗത്തിലാണ് ഇത് സംബന്ധിച്ച് തീരുമാനമുണ്ടായത്. സർക്കാർ തലത്തിലുള്ള ഈദുൽ ഫിത്വർ, ഈദുൽ അദ്ഹ (ചെറിയ പെരുന്നാൾ വലിയ പെരുന്നാൾ) എന്നിവയുടെ ഔദ്യോഗിക അവധി പരമാവധി അഞ്ച് ദിവസങ്ങളായി ചുരുക്കി.
അതേസമയം, അബുദാബി കൊമേഴ്സ്യൽ ബാങ്കിന് രാജ്യത്ത് ബാങ്കിങ് പ്രവർത്തനം നടത്താൻ അനുമതി നൽകാനും മന്ത്രിസഭ തീരുമാനിച്ചു. കൊമേഴ്സ്യൽ ബാങ്കിന്റെ ഒരു ശാഖ തുറക്കുന്നതിന് ലൈസൻസ് അനുവദിക്കാനാണ് അംഗീകാരം നൽകിയത്. കനേഡിയൻ പ്രധാനമന്ത്രി സൗദി കിരീടാവകാശിയുമായി നടത്തിയ ഫോൺ സംഭാഷണം ഉൾപ്പെടെ കഴിഞ്ഞ ദിവസങ്ങളിൽ സൗദിയും നിരവധി രാജ്യങ്ങളും തമ്മിൽ നടന്ന ചർച്ചകളുടെ ഉള്ളടക്കവും, പ്രാദേശിക-അന്തർദേശീയ സംഭവവികാസങ്ങളും മന്ത്രിസഭ ചർച്ച ചെയ്തു.
ഹജ്ജ്, ഉംറ സേവന സമ്മേളനവും പ്രദർശനവും സംഘടിപ്പിക്കുന്നതിൽ ഹജ്ജ്, ഉംറ മന്ത്രാലയത്തിന്റെ ശ്രമങ്ങളെയും ‘വിഷൻ 2030’ന്റെ ലക്ഷ്യങ്ങൾ കൈവരിക്കുന്നതിൽ സമ്മേളനത്തിന്റെ പങ്കിനെയും മന്ത്രിസഭ പ്രശംസിച്ചു. അന്താരാഷ്ട്ര മൈനിങ് സമ്മേളനം മൂന്നാം പതിപ്പിന്റെ പ്രവർത്തന ഫലങ്ങളും 133 രാജ്യങ്ങളുടെ വിപുലമായ ആഗോള പങ്കാളിത്തവും രാജ്യത്തിനകത്തും പുറത്തുമുള്ള നിരവധി സർക്കാർ ഏജൻസികൾക്കും കമ്പനികൾക്കും സ്ഥാപനങ്ങൾക്കുമിടയിൽ 75 കരാറുകളിലും ധാരണാപത്രങ്ങളിലും ഒപ്പുവെക്കലും മന്ത്രിസഭ ചർച്ച ചെയ്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F