February 19, 2024
February 19, 2024
ജിദ്ദ - സൗദി അറേബ്യയിൽ വൈദ്യുതി ബില്ലടക്കാത്തതിന്റെ പേരിൽ പൊതുപരീക്ഷാ സമയത്ത് വൈദ്യുതി കണക്ഷൻ തടസ്സപ്പെട്ടാൽ വീട്ടുടമയ്ക്ക് ഇലക്ട്രിസിറ്റി കമ്പനി 500 റിയാൽ തോതിൽ നഷ്ടപരിഹാരം നൽകണമെന്ന് വാട്ടർ ആന്റ് ഇലക്ട്രിസിറ്റി റെഗുലേറ്ററി അതോറിറ്റി അറിയിച്ചു.
ബില്ലടക്കാത്തതിന്റെ പേരിൽ വൈദ്യുതി കണക്ഷൻ വിച്ഛേദിക്കുന്നതുമായി ബന്ധപ്പെട്ട വ്യവസ്ഥകളും അംഗീകൃത നടപടികളും ഇലക്ട്രിസിറ്റി കമ്പനി പാലിക്കേണ്ടത് നിർബന്ധമാണ്. ഇത്തരം വ്യവസ്ഥകളും നടപടികളും പാലിക്കാതിരിക്കൽ, നിരോധിത സമയങ്ങളിലും സന്ദർഭങ്ങളിലും വൈദ്യുതി കണക്ഷൻ തടസ്സപെടൽ, ഇൻവോയ്സിൽ നിർണയിച്ച തീയതിക്ക് മുമ്പായി കണക്ഷൻ തടസ്സപ്പെടൽ, അബദ്ധത്തിൽ മീറ്റർ മാറി കണക്ഷൻ വിച്ഛേദിക്കൽ എന്നീ സാഹചര്യങ്ങളിൽ എത്രയും വേഗത്തിൽ കണക്ഷൻ പുനഃസ്ഥാപിക്കലും ഉപയോക്താക്കൾക്ക് 500 റിയാൽ തോതിൽ നഷ്ടപരിഹാരം നൽകലും നിർബന്ധമാണെന്ന് വാട്ടർ ആന്റ് ഇലക് ട്രിസിറ്റി റെഗുലേറ്ററി അതോറിറ്റി പുറത്തിറക്കിയ ഗ്യാരണ്ടീഡ് സ്റ്റാൻഡേർഡ്സ് ഗൈഡ് വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F