March 11, 2024
March 11, 2024
ഡല്ഹി: ഇന്ത്യയില് പൗരത്വ ഭേദഗതി നിയമം പ്രബല്യത്തില് വന്നു. പൗരത്വ ഭേദഗതി നിയമത്തിന്റെ ചട്ടങ്ങള് വ്യക്തമാക്കി കേന്ദ്രസര്ക്കാര് ഇന്ന് വിജ്ഞാപനമിറക്കി. പുതിയ നിയമം 'പൗരത്വ നിയമ ഭേദഗതി നിയമം 2024' എന്ന് അറിയപ്പെടും. ആഭ്യന്തര മന്ത്രാലയമാണ് ചട്ടങ്ങള് ഔദ്യോഗികമായി പുറത്തിറക്കിയത്. 1955ലെ പൗരത്വ നിയമം, ഭേദഗതി ചെയ്തുള്ള നിയമം 2019ലാണ് കേന്ദ്ര സര്ക്കാര് പാസാക്കിയത്. നിയമം പാസാക്കിയിരുന്നെങ്കിലും ശക്തമായ പ്രതിഷേധങ്ങളുടെ പശ്ചാത്തലത്തില് ചട്ടങ്ങള് പുറപ്പെടുവിക്കുന്ന നടപടികള് വൈകുകയായിരുന്നു.
ചട്ടങ്ങള് അനുസരിച്ച്, അയല് രാജ്യങ്ങളായ പാകിസ്ഥാന്, ബംഗ്ലാദേശ്, അഫ്ഗാനിസ്ഥാന് എന്നീ രാജ്യങ്ങളിലെ ആറ് ന്യൂനപക്ഷ വിഭാഗങ്ങള്ക്ക് പൗരത്വത്തിന് അപേക്ഷിക്കുന്നതിന് ഓണ്ലൈന് പോര്ട്ടല് നിലവില് വരും. പ്രതിഷേധം കണക്കിലെടുത്താണ് അപേക്ഷകള് ഓണ്ലൈനാക്കിയതെന്നാണ് വിവരം. പൗരത്വത്തിനുള്ള അപേക്ഷകള് ഉടന് സ്വീകരിച്ചു തുടങ്ങുമെന്നും റിപ്പോര്ട്ടുണ്ട്.
ബംഗ്ലാദേശ്, പാകിസ്ഥാന്, അഫ്ഗാനിസ്ഥാന് എന്നിവിടങ്ങളില് നിന്ന് 2014 ഡിസംബര് 31നോ അതിനുമുമ്പോ ഇന്ത്യയിലെത്തിയ ഹിന്ദുക്കള്, ജൈനന്മാര്, ക്രിസ്ത്യാനികള്, സിഖുകാര്, ബുദ്ധമതക്കാര്, പാര്സികള് എന്നിവര്ക്ക് പൗരത്വം നല്കാന് വ്യവസ്ഥ ചെയ്യുന്നതാണ് പൗരത്വ ഭേദഗതി നിയമം. അവസാന ഒരു വര്ഷമോ കഴിഞ്ഞ 14 വര്ഷത്തിനിടയില് കുറഞ്ഞത് അഞ്ച് വര്ഷമോ ഇന്ത്യയില് താമസിച്ചിരുന്ന കുടിയേറ്റക്കാര്ക്ക് ഇന്ത്യന് പൗരത്വം നല്കാനാണ് പുതിയ നിയമം വ്യവസ്ഥ ചെയ്യുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F