March 12, 2024
March 12, 2024
ഖമീസ് മുശൈത്: സൗദി അറേബിയയിൽ ലോറിയിൽ കയറ്റി കൊണ്ടുവന്ന മണ്ണുമാന്തി യന്ത്രത്തിന്റെ ഭാഗങ്ങൾ തട്ടി ഖമീസ് മുശൈത്ത് നഗരത്തിലെ നടപ്പാലം തകർന്നു. ഇന്നലെ (തിങ്കളാഴ്ച) രാവിലെയാണ് സംഭവം. അമീർ സുൽത്താൻ റോഡിലെ നടപ്പാലമാണ് തകർന്നത്. ആളപായമില്ല.
ലോറിയിൽ കയറ്റുന്ന ലോഡിന്റെ അനുവദനീയമായ ഉയരപരിധി അഞ്ചര മീറ്ററാണ്. എന്നാൽ മണ്ണുമാന്തി യന്ത്രം അതിനേക്കാൾ ഉയരമുള്ളതായിരുന്നു. ഭാരമുള്ള ഉപകരണമായതിനാൽ അത് വന്നിടിച്ചതിനെ തുടർന്ന് പാലം തകർന്ന് വീഴുകയായിരുന്നു. ഇടിയുടെ ആഘാതത്തിൽ പാലത്തിന്റെ വലത് ഭാഗത്തിന്റെ ഒരു ഭാഗം തകർന്നുവീണു. ഉടനെ ആവശ്യമായ നടപടികൾ സ്വീകരിക്കുകയും അവശിഷ്ടങ്ങൾ പൂർണമായും നീക്കം ചെയ്യുകയും ചെയ്തെന്ന് മുനിസിപ്പാലിറ്റി അധികൃതർ അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F