October 23, 2023
October 23, 2023
ദോഹ: ചൈനയിൽ നടക്കുന്ന ഏഷ്യൻ പാരാ ഗെയിംസ് 100 മീറ്റർ വീൽചെയർ ഓട്ടമത്സരത്തിൽ ഖത്തറിന് വെങ്കലം. 15.60 സെക്കൻഡിൽ മത്സരം പൂർത്തിയാക്കിയാണ് അലി അർഷാദ് വെങ്കലം സ്വന്തമാക്കിയത്.
ഖത്തർ സ്പോർട്സ് ഫെഡറേഷൻ ഫോർ സ്പെഷ്യൽ നീഡ്സ് അസിസ്റ്റന്റ് സെക്രട്ടറി അബ്ദുൾ ഖാദർ അൽ മുതവയുടെ നേതൃത്വത്തിൽ 18 താരങ്ങളാണ് മത്സരത്തിൽ പങ്കെടുക്കുന്നത്. 43 രാജ്യങ്ങളാണ് ഏഷ്യൻ പാരാ ഗെയിംസിൽ പങ്കെടുക്കുന്നത്. ഒക്ടോബർ 22 മുതൽ 28 വരെയാണ് മത്സരം.
അതേസമയം, ചൈനയിൽ നടന്ന 19-ാമത് ഏഷ്യൻ ഗെയിംസിൽ വിവിധ മത്സരങ്ങളിലായി പതിനാല് മെഡലുകളാണ് ഖത്തർ സ്വന്തമാക്കിയത്. 5 സ്വർണവും, 6 വെള്ളിയും, 3 വെങ്കലവും സ്വന്തമാക്കി മെഡൽ പട്ടികയിൽ ഖത്തർ 21-ാം സ്ഥാനവും നേടി. 34 രാജ്യങ്ങൾ മത്സരിച്ച ഏഷ്യൻ ഗെയിംസിൽ 27 കായിക ഇനങ്ങളിലായി 180 അത്ലറ്റുകളാണ് ഖത്തറിനെ പ്രതിനിധീകരിച്ച് പങ്കെടുത്തത്. സെപ്റ്റംബർ 28ന് ആരംഭിച്ച മത്സരം, ഒക്ടോബർ 8നാണ് അവസാനിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F