January 24, 2024
January 24, 2024
റിയാദ് - റിയാദിൽ ഹോട്ടലുകളിലും വിവാഹാഘോഷങ്ങളിലും ബാക്കി വരുന്ന ഭക്ഷണങ്ങൾ നിർധനർക്കിടയിൽ വിതരണം ചെയ്യാൻ ധാരണ. ഇത് സംബന്ധിച്ച് ടൂറിസം മേഖലയിലെ മുൻനിര കമ്പനിയായ ഈലാഫ് ഗ്രൂപ്പും ഖൈറാത്ത് സൊസൈറ്റിയും സഹകരണ കരാറിൽ ഒപ്പുവെച്ചു. റിയാദ് എക്സിബിഷൻ ആൻഡ് കോൺഫറൻസ് സെന്ററിൽ നടന്ന സൗദി ടൂറിസം ഫോറത്തിനിടെയാണ് ഈലാഫ് ഗ്രൂപ്പ് സി.ഇ.ഒ ഡോ. ആദിൽ ഇസ്സത്തും ഖൈറാത്ത് സൊസൈറ്റി പ്രതിനിധി അബ്ദുല്ല അൽസുബൈഇയും കരാറിൽ ഒപ്പുവെച്ചത്.
കരാർ പ്രകാരം ഈലാഫ് ഗ്രൂപ്പിന് കീഴിൽ റിയാദിലുള്ള ജോദിയാൻ ഹോട്ടലിൽ ബാക്കി വരുന്ന ഭക്ഷണങ്ങൾ ഖൈറാത്ത് സൊസൈറ്റിക്ക് കൈമാറും. ഏറ്റവും മികച്ച പാക്കിംഗ് വസ്തുക്കളും, മികച്ച രീതികൾ ഉപയോഗിച്ചും ആരോഗ്യ, സുരക്ഷാ മാനദണ്ഡങ്ങൾ പാലിച്ചും ഖൈറാത്ത് സൊസൈറ്റി ഭക്ഷണങ്ങൾ പാക്ക് ചെയ്ത് നിർധനർക്കിടയിൽ വിതരണം ചെയ്യും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F