November 20, 2023
November 20, 2023
ദോഹ: ഖത്തറില് നടക്കുന്ന എഎഫ്സി ഏഷ്യന് കപ്പിന്റെ ടിക്കറ്റ് വില്പനയിലെ വരുമാനം ഫലസ്തീന് സഹായത്തിനായി സംഭാവന ചെയ്യും. ഫലസ്തീനിലെ അടിയന്തര ദുരിതാശ്വാസ ഇടപെടലുകള്ക്കുള്ള പിന്തുണയായാണ് ടിക്കറ്റ് വരുമാനം സംഭാവന ചെയ്യാന് എഎഫ്സി ഏഷ്യന് കപ്പ് ഖത്തര് 2023 പ്രാദേശിക സംഘാടക സമിതി തീരുമാനിച്ചത്.
ഫലസ്തീന് ജനതയ്ക്ക് ഐക്യദാര്ഢ്യം പ്രകടിപ്പിക്കുന്നതിനുള്ള ഒരു മാര്ഗമായി ഫുട്ബോളിനെ ഉപയോഗിക്കുന്നത് വളരെ പ്രധാനമാണെന്ന് ഏഷ്യന് കപ്പിന്റെ ലോക്കല് ഓര്ഗനൈസിംഗ് കമ്മിറ്റി ചെയര്മാന് ഷെയ്ഖ് ഹമദ് ബിന് ഖലീഫ അല്താനി പറഞ്ഞു. ഫലസ്തീനിലെ ആളുകള്ക്ക് ആവശ്യമായ വൈദ്യസഹായവും ഭക്ഷണവും നല്കുന്നതിന് ടിക്കറ്റില് നിന്നുള്ള വരുമാനം ഉപയോഗിക്കും.
1988ലും 2011 നും ശേഷം മൂന്നാം തവണയാണ് എഎഫ്സി ഏഷ്യന് കപ്പിന് ഖത്തര് വേദിയാകുന്നത്. 2024 ജനുവരി 12 മുതല് ഫെബ്രുവരി 10 വരെ ഖത്തറിലെ ഒന്പത് സ്റ്റേഡിയങ്ങളിലായാണ് മത്സരങ്ങള് നടക്കുക. ഏഷ്യന് രാജ്യങ്ങളിലെ 24 ടീമുകള് 51 മത്സരങ്ങളില് മാറ്റുരക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F