January 21, 2024
January 21, 2024
റിയാദ്: സൗദി അറേബ്യയില്‍ വിദ്യാര്‍ത്ഥികളും അധ്യാപകരും സഞ്ചരിച്ചിരുന്ന വാഹനങ്ങള്‍ കൂട്ടിയിടിച്ചു. അപകടത്തില്‍ ഒന്‍പത് പേര്‍ക്ക് പരിക്കേറ്റതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. അല്‍ ബഹ മേഖലയിലെ അല്‍ മഖ്വ ഗവര്‍ണറേറ്റില്‍ ഇന്ന് പുലര്‍ച്ചെയായിരുന്നു അപകടം.
വിദ്യാര്‍ത്ഥികളുമായി പോവുകയായിരുന്ന വാഹനത്തില്‍ അധ്യാപകരേയും സ്‌കൂള്‍ കുട്ടികളേയും കൊണ്ടുപോകുകയായിരുന്ന മറ്റൊരു മിനിബസ് കൂട്ടിയിടിക്കുകയായിരുന്നു. ഒരാള്‍ക്ക് ഗുരുതരമായി പരിക്കേറ്റതായാണ് വിവരം. മറ്റ് അഞ്ച് പേര്‍ക്ക് ഗുരുതരമല്ലാത്ത പരിക്കേറ്റതായും മൂന്ന് പേര്‍ക്ക് നിസ്സാര മുറിവുകൾ ഉണ്ടായതായും റെഡ് ക്രസന്റ് പ്രാദേശിക വക്താവ് സൗദി വാര്‍ത്താ പോര്‍ട്ടലിനോട് വ്യക്തമാക്കി. പരിക്കേറ്റവരെ സമീപത്തെ ആശുപത്രിയിലേക്ക് മാറ്റി. അതേസമയം അപകടകാരണം വ്യക്തമല്ല.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
