March 18, 2024
March 18, 2024
കുവൈത്ത് സിറ്റി: കുവൈത്തിലെ ഷുവൈഖ് ഇൻഡസ്ട്രിയൽ ഏരിയയിലുള്ള 8 ഇറച്ചിക്കടകൾക്കെതിരെ നിയമനടപടികൾ സ്വീകരിച്ചതായി വാണിജ്യ-വ്യവസായ മന്ത്രാലയം അറിയിച്ചു. ഇറച്ചിക്കടകളിൽ നിയമങ്ങൾ പാലിക്കുന്നുവെന്ന് ഉറപ്പാക്കാൻ ലക്ഷ്യമിട്ടുള്ള സർപ്രൈസ് ഇൻസ്പെക്ഷൻ കാമ്പയിനിന്റെ ഭാഗമായാണ് നിയമലംഘനങ്ങൾ കണ്ടെത്തിയതെന്ന് മന്ത്രാലയം വ്യക്തമാക്കി. അൽ-സെയാസ്സ പത്രമാണ് ഇക്കാര്യം റിപ്പോർട്ട് ചെയ്തത്.
ഉറവിട രാജ്യവുമായി ബന്ധപ്പെട്ട വാണിജ്യ വഞ്ചന, കൃത്രിമമായി വർദ്ധിപ്പിച്ച വിലകൾ, മന്ത്രാലയ ഇൻസ്പെക്ടർമാരുമായി സഹകരിക്കാതിരിക്കുക തുടങ്ങിയ നിയമലംഘങ്ങളാണ് അധികൃതർ കണ്ടെത്തിയത്. ഉപഭോക്തൃ അവകാശങ്ങൾ സംരക്ഷിക്കുന്നതിനും ചരക്കുകളുടെ ലഭ്യത ഉറപ്പാക്കുന്നതിനും വിപണി പ്രവർത്തനങ്ങൾ നിരീക്ഷിക്കുന്നതിനുള്ള മന്ത്രാലയത്തിൻ്റെ പ്രതിബദ്ധതയാണ് ഇതിലൂടെ ലക്ഷ്യമിടുന്നത്. നിയമലംഘനങ്ങൾ ചെറുക്കുന്നതിനുള്ള പരിശോധനാ ശ്രമങ്ങൾ ഊർജിതമാക്കുമെന്നും മന്ത്രാലയം വ്യകതമാക്കി.
ആവശ്യമായ നിയമനടപടികൾക്കായി ഇവരെ ബന്ധപ്പെട്ട അധികാരികളിലേക്ക് റഫർ ചെയ്തിട്ടുണ്ട്. നിയമലംഘനങ്ങൾ ശ്രദ്ധയിൽപ്പെട്ടാൽ അധികൃതരെ അറിയിക്കണമെന്നും മന്ത്രാലയം നിർദേശിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F