March 17, 2024
March 17, 2024
റിയാദ്: സൗദിയിൽ കേടുവന്ന ഈത്തപ്പഴങ്ങൾ സൂക്ഷിച്ചുവെച്ച് റീ പാക്ക് ചെയ്ത് വിൽക്കുന്ന സംഘം പിടിയിൽ. പുതിയ പാക്കറ്റിൽ കേടുവന്ന ഈത്തപ്പഴങ്ങൾ നിറച്ച് പുതിയ തീയതി രേഖപ്പെടുത്തി വിൽപന നടത്തുന്ന സംഘത്തെയാണ് കഴിഞ്ഞദിവസം അർധരാത്രി വാണിജ്യ മന്ത്രാലയത്തിന്റെ ഫീൽഡ് സംഘം പിടികൂടിയത്. റിയാദിലെ ഗുബേര ഡിസ്ട്രിക്ടിലെ അപ്പാർട്മെൻറിനുള്ളിൽ നിന്ന് 400 കിലോ കേടായ ഈത്തപ്പഴങ്ങളും പിടികൂടി. മാനവ വിഭവശേഷി-സാമൂഹിക വികസന മന്ത്രാലയം, സൗദി ഫുഡ് ആൻഡ് ഡ്രഗ് അതോറിറ്റി, റിയാദ് പൊലീസ് എന്നിവയുടെ സഹകരണത്തോടെ നടത്തിയ പരിശോധനയിലാണ് പ്രതികൾ പിടിയിലായത്.
പിടിയിലായ ഏഴ് തൊഴിലാളികളെ നിയമനടപടികൾക്കായി പബ്ലിക് പ്രോസിക്യൂഷനിലേക്ക് റഫർ ചെയ്തു. 3000 പ്ലാസ്റ്റിക് പാത്രങ്ങൾ, 5000 ഒഴിഞ്ഞ കാർട്ടണുകൾ, ഒന്നിലധികം തരം ഈത്തപ്പഴങ്ങളുടെയും വ്യാജ കാലഹരണ തീയതികളുടെയും പേരുകളുള്ള ഒരു ലക്ഷം സ്റ്റിക്കർ ലേബലുകൾ എന്നിവയും പിടിച്ചെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F