February 25, 2024
February 25, 2024
റിയാദ്- സൗദിയിൽ മീറ്റര് റീഡ് ചെയ്യുന്നതില് കൃത്രിമം കാണിച്ചതിന് അഞ്ച് പെട്രോള് പമ്പുകള് സംയുക്ത പരിശോധന സംഘം അടപ്പിച്ചു. ഒരേ കമ്പനിയുടെ റിയാദിലെയും ജുബൈലിലെയും അഞ്ച് പമ്പുകളാണ് അടപ്പിച്ചത്. വില്ക്കുന്ന ഇന്ധനത്തിന്റെ അളവില് കൃത്രിമം കാണിക്കുന്ന ഉപകരണങ്ങള് സ്ഥാപിച്ചായിരുന്നു കമ്പനി തട്ടിപ്പ് നടത്തിയത്.
വാണിജ്യമന്ത്രാലയം, ഊര്ജമന്ത്രാലയം, സാസോ എന്നിവിടങ്ങളിലെ ഉദ്യോഗസ്ഥരായിരുന്നു പരിശോധനക്കെത്തിയത്. മായം ചേര്ക്കല്, അളവ്, തൂക്കം എന്നിവയുമായി ബന്ധപ്പെട്ട വ്യവസ്ഥകള് പാലിക്കുന്നില്ലെന്ന വകുപ്പുകള് ചുമത്തിയാണ് നടപടി. സ്ഥാപനത്തിനെതിരെയും തൊഴിലാളികള്ക്കെതിരെയും നിയമനടപടികള് സ്വീകരിച്ചതായും പബ്ലിക് പ്രോസിക്യൂഷന് കൈമാറിയതായും അധികൃതർ അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F