September 26, 2023
September 26, 2023
മനാമ: യെമൻ-സൗദി അതിർത്തിയിൽ പട്രോളിങ് നടത്തുന്നതിനിടെ ഡ്രോൺ ആക്രമണത്തിൽ രണ്ട് ബഹ്റൈൻ സൈനികർ കൊല്ലപ്പെട്ടു. ഹൂതി സേന നടത്തിയ ഡ്രോണ് ആക്രമണത്തിലാണ് സൈനികര് കൊല്ലപ്പെട്ടത്. ഇന്നലെ (തിങ്കളാഴ്ച) പുലര്ച്ചെ നടന്ന ആക്രമണത്തില് നിരവധി സൈനികര്ക്ക് പരിക്കേറ്റതായും ബഹ്റൈന് സൈനിക കമാന്ഡ് അറിയിച്ചു.
പരിക്കേറ്റവരെ ആശുപത്രിയിലേക്ക് മാറ്റുന്നതിനും, മരിച്ച 2 സൈനികരെ നാട്ടിലേക്ക് കൊണ്ടുവരാനും നടപടിക്രമങ്ങൾ ആരംഭിച്ചതായി ബഹ്റൈന് സൈന്യം വ്യക്തമാക്കി. സൗദി അറേബ്യയുടെ തെക്കന് അതിര്ത്തിയില് ബഹ്റൈന് സേനയെ ലക്ഷ്യമിട്ട് ഹൂതികള് ഡ്രോണുകള് ഉപയോഗിച്ച് ആക്രമണം നടത്തുകയായിരുന്നുവെന്നാണ് റിപ്പോര്ട്ട്. ഓപറേഷന് ഡിസിസീവ് സ്റ്റോമിലും, ഓപറേഷന് റിസ്റ്റോറിങ് ഹോപിലും പങ്കെടുത്ത അറബ് സഖ്യസേനയുടെ ഭാഗമായിരുന്ന സൈനികരാണ് കൊല്ലപ്പെട്ടതെന്ന് അധികൃതർ വ്യക്തമാക്കി.
ആളില്ലാ യുദ്ധ വിമാനങ്ങൾ (യു.സി.എ.വി) ഉപയോഗിച്ചാണ് ഹൂതി സേന ആക്രമണം നടത്തിയതെന്ന് ബഹ്റൈൻ ഡിഫൻസ് ഫോഴ്സ് (ബി.ഡി.എഫ്) പറഞ്ഞു. കൊല്ലപ്പെട്ട സൈനികർക്ക് ആദരം അർപ്പിക്കുന്നതായും അവരുടെ കുടുംബങ്ങൾക്ക് ആത്മാർഥമായ അനുശോചനം അറിയിക്കുകയും ചെയ്യുന്നതായി ബി.ഡി.എഫ് കൂട്ടിച്ചേർത്തു.
അതേസമയം, സംഭവത്തിൽ വ്യാപക പ്രതിഷേധമാണ് നടക്കുന്നത്. ജിസിസി രാജ്യങ്ങളുൾപ്പടെയുള്ള രാജ്യങ്ങൾ സംഭവത്തെ അപലപിക്കുകയും ബഹ്റൈന് ഐക്യദാർഡ്യം അറിയിക്കുകയും ചെയ്തിട്ടുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G