August 14, 2023
August 14, 2023
ന്യൂസ്റൂം ബ്യുറോ
അല് അഹ്സ്സ: സൗദിയുടെ കിഴക്കൻ പ്രവിശ്യയായ അൽ അഹസ്സയിൽ ഹൃദയാഘാതത്തെ തുടർന്ന് മലയാളി മരിച്ചു. കണ്ണൂര് തലശ്ശേരി ചമ്പാട് സ്വദേശി കടുങ്ങോട്ടുവിട ബാലൻ-ശാന്ത ദമ്പതികളുടെ മകൻ ഷിനോദ് (49) ആണ് അല് അഹ്സ്സയില് മരിച്ചത്.
വെള്ളിയാഴ്ച രാവിലെ താമസസ്ഥലത്ത് വെച്ച് നെഞ്ച് വേദന അനുഭവപ്പെട്ടതിനെ തുടര്ന്ന് സഹപ്രവര്ത്തകര് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.അല് അഹ്സ്സയില് 11 വര്ഷമായി ഇറാദാത്ത് ട്രാൻസ്പോര്ട്ടേഷൻ കമ്പനിയിൽ ഡ്രൈവറായി ജോലി ചെയ്യുകയായിരുന്നു. ഭാര്യയും രണ്ട് പെണ്കുട്ടികളുമുണ്ട്. ഹുഫൂഫിലെ അല് അഹ്സ്സ സ്പെഷലൈസ്ഡ് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാൻ സന്നദ്ധ സംഘടനാ പ്രവര്ത്തകരും ഷിനോദിന്റെ സഹപ്രവര്ത്തകരും രംഗത്തുണ്ട്.
ഷിനോദിന്റെ നിര്യാണത്തില് ദമ്മാം ഒ.ഐ.സി.സി കണ്ണൂര് ജില്ലാകമ്മിറ്റിയും അല് അഹ്സ്സ ഏരിയാ കമ്മറ്റിയും അനുശോചനം രേഖപ്പെടുത്തി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm