April 20, 2024
April 20, 2024
യാബു: സൗദി അറേബ്യയിലെ യാംബുവില്‍ ഉംറ വിസയിലെത്തിയ മലപ്പുറം സ്വദേശിനി മരിച്ചു. വേങ്ങര, അരീക്കുളം സ്വദേശിനി പാത്തുമ്മ (63)യാണ് മരിച്ചത്. യാംബുവിലുള്ള മകന്റെ വീട്ടില്‍ വെച്ച് ഹൃദയാഘാതം സംഭവിക്കുകയായിരുന്നു. ഫെബ്രുവരിയില്‍ കുടുംബത്തിനൊപ്പം ഉംറയും മദീന സന്ദര്‍ശനവും നിര്‍വഹിച്ച ശേഷം മകനോടൊപ്പം യാംബുവില്‍ താമസിക്കുകയായിരുന്നു. മകന്‍ ടി.ഷറഫുദ്ദീന്‍ യാംബുവിലെ 'മാതാ ജിപ്‌സം' കമ്പനിയില്‍ അക്കൗണ്ടന്റാണ്. മെയ് 12ന് നാട്ടിലേക്ക് തിരിച്ചുപോകാന്‍ വിമാന ടിക്കറ്റും ബുക്ക് ചെയ്തിരുന്നു.
ഭര്‍ത്താവ്: പരേതനായ തച്ചപ്പറമ്പന്‍ കുഞ്ഞാലന്‍, മറ്റു മക്കള്‍: ജാഫര്‍ ഷരീഫ്, ഷംസുദ്ദീന്‍. യാംബു ജനറല്‍ ആശുപത്രിയില്‍ സൂക്ഷിച്ചിരിക്കുന്ന മൃതദേഹം നടപടികള്‍ പൂര്‍ത്തിയാക്കി യാംബുവില്‍ തന്നെ ഖബറടക്കുമെന്ന് ബന്ധുക്കള്‍ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
