February 14, 2024
February 14, 2024
റിയാദ്: സൗദി അറേബ്യ ആഭ്യന്തര തീര്ത്ഥാടകര്ക്ക് രജിസ്ട്രേഷന് ശേഷം ഹജ്ജ് പാക്കേജുകള് റദ്ദാക്കാനുള്ള നടപടി ക്രമങ്ങള് പ്രഖ്യാപിച്ചു. രജിസ്ട്രേഷന് ആരംഭിച്ചതുമുതല് ഏപ്രില് 23 ന് ഇസ്ലാമിക ചാന്ദ്ര കലണ്ടറിലെ പത്താം മാസമായ ശവ്വാല് 14 വരെയുള്ള കാലയളവില് തെരഞ്ഞെടുത്ത പാക്കേജുകള് സൗജന്യമായി റദ്ദാക്കാമെന്ന് സൗദി ഹജ്ജ്- ഉംറ മന്ത്രാലയം അറിയിച്ചു. രജിസ്റ്റര് ചെയ്ത പണം മുഴുവന് തിരികെ ലഭിക്കുമെന്നും മന്ത്രാലയം വ്യക്തമാക്കി.
ശവ്വാല് 15 (ഏപ്രില് 24) മുതല് അടുത്ത മാസമായ ദുല്ഖഅദ് അവസാനം വരെയുള്ള കാലയളവില് പെര്മിറ്റ് ഇഷ്യൂ ചെയ്തതിന് ശേഷം റദ്ദാക്കുന്നവര്ക്ക് പാക്കേജ് കരാറിന്റെ 10 ശതമാനം വരെ ഫീസ് ഈടാക്കും. അതേസമയം ഹജ്ജ് പെര്മിറ്റിനായുള്ള അപേക്ഷ ആഭ്യന്തര മന്ത്രാലയം നിരസിച്ചാല് ഓരോ തീര്ത്ഥാടകനില് നിന്നും ഇലക്ട്രോണിക് സേവന ഫീസായി 67.85 റിയാലും ഈടാക്കും.
ആഭ്യന്തര തീര്ത്ഥാടകര്ക്കായി ഇത്തവണത്തെ ഹജ്ജ് സീസണിനുള്ള പാക്കേജുകള് മന്ത്രാലയം പ്രഖ്യാപിച്ചിരുന്നു. രജിസ്ട്രേഷനായുള്ള നിബന്ധനകളും പുറത്തുവിട്ടിട്ടുണ്ട്. താമസ നിലവാരം അടിസ്ഥാനമാക്കി 4,099 റിയാല് മുതല് 13,265 സൗദി റിയാല് വരെയുള്ള പാക്കേജുകളാണ് അവതരിപ്പിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F