April 24, 2023
April 24, 2023
ന്യൂസ്‌റൂം ബ്യൂറോ
റിയാദ്: ജിദ്ദയില്‍ നിന്ന് റിയാദിലേക്ക് വരികയായിരുന്ന മലയാളി കുടുംബം സഞ്ചരിച്ച കാര്‍ മറിഞ്ഞ് യുവതിയും ബാലികയും മരിച്ചു. മലപ്പുറം കൊടക്കാടി ആലിന്‍ചുവട് പുഴക്കലകത്ത് മുഹമ്മദ് റാഫിയുടെ ഭാര്യ മുഹ്‌സിനത്ത്(32), മലപ്പുറം ഉള്ളണം നോര്‍ത്ത് മുണ്ടിയന്‍കാവ് ചെറാച്ചന്‍ വീട്ടില്‍ ഇസ്ഹാഖിന്റെയും ഫാത്തിമ റൂബിയുടെയും മകള്‍ ഫാത്തിമ സൈശ(3) എന്നിവരാണ് മരിച്ചത്.
ഇന്ന് രാവിലെ റിയാദില്‍ നിന്ന് 350 കിലോമീറ്റര്‍ അകലെ അല്‍ ഖസ്‌റയിലായിരുന്നു അപകടം. ജിദ്ദയില്‍ പ്രവാസികളായ ഇവര്‍ പെരുന്നാള്‍ അവധി പ്രമാണിച്ച് ഞായറാഴ്ച വൈകീട്ട് റിയാദിലേക്ക് പുറപ്പെട്ടതായിരുന്നു.
മൃതദേഹങ്ങള്‍ അല്‍ ഖസ്‌റ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. നടപടികള്‍ പൂര്‍ത്തീകരിക്കാനും സഹായത്തിനുമായി റിയാദ് കെ.എം.സി.സി വെല്‍ഫയര്‍ വിങ് ചെയര്‍മാന്‍ സിദ്ദീഖ് തുവ്വൂര്‍, ഹമീദ് പെരുവള്ളുര്‍, ത്വാഇഫ് കെ.എം.സി.സി, ജലീല്‍ റുവൈദ എന്നിവര്‍ രംഗത്തുണ്ട്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
