March 19, 2023
March 19, 2023
ന്യൂസ്‌റൂം ബ്യൂറോ
ന്യൂഡല്‍ഹി: ഗുജറാത്ത് വംശഹത്യ ഉള്‍പ്പെടെ നിരവധി ആരോപണങ്ങള്‍ക്ക് വിധേയനായ ഇന്ത്യന്‍ പ്രധാനമന്ത്രി നരേന്ദ്ര മോദിയെ സമാധനത്തിനുള്ള നൊബേല്‍ പ്രൈസിനായി പരിഗണിക്കുന്നുവെന്ന വാര്‍ത്ത ജനാധിപത്യ വിശ്വാസികളെയും മനുഷ്യാവകാശ പ്രവര്‍ത്തകരെയും വലിയ തോതില്‍ അമ്പരപ്പിച്ചിരുന്നു. എന്നാല്‍ ഇന്ത്യയിലെ മോദി ഭക്തരും തീവ്ര ഹിന്ദുത്വ അനുഭാവികളും ബോധപൂര്‍വം പടച്ചുവിട്ട വ്യാജവാര്‍ത്ത മാത്രമാണ് ഇതെന്ന വിവരമാണ് ഇപ്പോള്‍ പുറത്തുവരുന്നത്. ഈ വാര്‍ത്ത വ്യാജമാണെന്ന് വെളിപ്പെടുത്തി നൊബേല്‍ സമിതി അംഗം തന്നെ രംഗത്തെത്തിയിരിക്കുകയാണ്. നോര്‍വീജിയന്‍ നൊബേല്‍ കമ്മിറ്റി ഉപനേതാവ് അസ്ലെ ടൊജെയാണ് ഇക്കാര്യം നിഷേധിച്ചത്.
Why has @ANI not tweeted this statement by Asle Toje? ???? pic.twitter.com/C3c6pUBdeI
— Mohammed Zubair (@zoo_bear) March 16, 2023
മോദിയെ നോബേല്‍ പുരസ്‌കാരത്തിന് പരിഗണിക്കുമെന്ന് ഇന്ത്യന്‍ സന്ദര്‍ശനത്തിനെത്തിയ ടൊജെ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തത് വലിയ വാര്‍ത്തയായി മാറിയിരുന്നു. ഇന്ത്യയൊട്ടാകെയുള്ള വാര്‍ത്താ-സമൂഹ മാധ്യമങ്ങള്‍ വാര്‍ത്ത ഏറ്റെടുത്തു. ഇതിന് പിന്നാലെയാണ് ടൊജെയുടെ വെളിപ്പെടുത്തല്‍. നൊബേല്‍ പ്രൈസ് കമ്മിറ്റിയുടെ ഡെപ്യൂട്ടി ലീഡര്‍ എന്ന നിലയിലല്ല താന്‍ ഇന്ത്യ സന്ദര്‍ശിച്ചതെന്ന് ടൊജെ വ്യക്തമാക്കി.
