May 05, 2024
May 05, 2024
റിയാദ്: ഹജ്ജ് വിസകള്‍ ജിദ്ദ, മദീന, മക്ക എന്നിവിടങ്ങളിലേക്കുള്ള പ്രവേശനത്തിന് മാത്രമായി പരിമിതപ്പെടുത്തി. ഹജ്ജ് കര്‍മങ്ങള്‍ നിര്‍വഹിക്കാന്‍ തീര്‍ത്ഥാടകരെ അനുവദിക്കുന്ന ഏക വിസ ഹജ്ജ് വിസയാണെന്നും സൗദി ഹജ്ജ്- ഉംറ മന്ത്രാലയം വ്യക്തമാക്കി. ജിദ്ദ, മദീന, മക്ക എന്നീ നഗരങ്ങള്‍ക്ക് പുറത്തേക്കുള്ള യാത്ര, താമസം , ജോലി എന്നിവയ്ക്ക് നിയന്ത്രണമേര്‍പ്പെടുത്തുമെന്നും മന്ത്രാലയം പറഞ്ഞു.
ഹജ്ജ് പെര്‍മിറ്റ് ആവശ്യമുള്ള ജിസിസി രാജ്യങ്ങളില്‍ നിന്നുള്ളവര്‍ ഒഴികെയുള്ള എല്ലാ അന്താരാഷ്ട്ര സന്ദര്‍ശകരും ഹജ്ജ് വിസ നേടിയിരിക്കണമെന്നും മന്ത്രാലയം വ്യക്തമാക്കി. വിസകള്‍ക്ക് ഹജ്ജ് സീസണിന്റെ കാലയളവിലേക്ക് മാത്രമേ സാധുത അനുവദിക്കൂ. വിസാ കാലയളവില്‍ ഉംറ നിര്‍വഹിക്കുന്നതിനോ പണമടച്ചതോ ശമ്പളമില്ലാത്തതോ ആയ ഏതെങ്കിലും തൊഴിലില്‍ ഏര്‍പ്പെടാനോ ഉടമകളെ അനുവദിക്കില്ലെന്നും മന്ത്രാലയം കൂട്ടിച്ചേര്‍ത്തു.
നടപടികള്‍ ലളിതമാക്കുന്നതിന്റെ ഭാഗമായി മന്ത്രാലയത്തിന്റെ ഔദ്യോഗിക വെബ്‌സൈറ്റിലൂടെ ഹജ്ജ് വിസകളുടെ ഇലക്ട്രോണിക് രജിസ്‌ട്രേഷന്‍ അനുവദിക്കും. അപേക്ഷകര്‍ ദുല്‍ഹജ്ജ് 7ന് (ജൂണ്‍ 13) മുമ്പ് രജിസ്റ്റര്‍ ചെയ്യണമെന്നും അധികൃതര്‍ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
