August 12, 2020
August 12, 2020
ദോഹ: ഖത്തറില് കാണാതായ സുദാന് പൗരന് മെര്ഗാനി അലി ഹുസൈനെ മരിച്ചനിലയില് കണ്ടെത്തി. അല്ഷിമേഴ്സ് രോഗിയായ മെര്ഗാനിയെ ജൂലൈ 30ന് കാണാതായതായി അദ്ദേഹത്തിന്റെ പൗത്രന് ഹസന് മുഹമ്മദ് കഴിഞ്ഞയാഴ്ച ന്യൂസ്റൂമിനെ അറിയിച്ചു.മലയാളിയായ സുഹൃത്ത് വഴിയാണ് അദ്ദേഹം ന്യൂസ്റൂമിനെ ബന്ധപ്പെട്ടത്. ജൂലൈ 30ന് ബലിപെരുന്നാള് തലേന്ന് വീടിന് തൊട്ടടുത്തുള്ള പള്ളിയിലേക്ക് പോയ അദ്ദേഹം തിരിച്ചുവരാതായതിനെ തുടർന്നാണ് കുടുംബം അന്വേഷണം തുടങ്ങിയത്. പോലീസിൽ പരാതിയും നൽകിയിരുന്നു.
മെര്ഗാനിയെ കാണാതായ വിവരം സോഷ്യല് മീഡിയയില് പോസ്റ്റ് ചെയ്തതിനെ തുടര്ന്ന് അദ്ദേഹത്തിന് വേണ്ടി സുഹൃത്തുക്കളും നാട്ടുകാരും പോലിസും ഉള്പ്പെടെ വ്യാപക തിരച്ചില് നടത്തിയിരുന്നു. .പല സ്ഥലങ്ങളിലും മെര്ഗാനിയെ കണ്ടതായി ആളുകള് വിളിച്ചിറിയിച്ചിരുന്നെങ്കിലും ബന്ധുക്കള് അവിടെയെത്തുമ്പോഴേക്കും അപ്രത്യക്ഷമായിരുന്നു.തുടർന്ന് നടത്തിയ അന്വേഷണത്തിൽ അല് റയ്യാന് ഏരിയക്കടുത്തുള്ള ഗ്രൗണ്ടിലാണ് പോലിസ് മൃതദേഹം കണ്ടെത്തിയത്.
ന്യൂസ്റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.