May 09, 2023
May 09, 2023
ന്യൂസ്റൂം ബ്യൂറോ
റിയാദ്: മിഡിലീസ്റ്റിലെ വലിയ റേഡിയോ ടെലിസ്കോപ് പ്രവര്ത്തനസജ്ജമാക്കാനൊരുങ്ങി സൗദി അറേബ്യ. ഹാ ഇല് നഗരത്തിലെ മഷര് നാഷനല് പാര്ക്കിലാണ് 20 മീ. വ്യാസമുള്ള ഉപകരണത്തിന്റെ നിര്മാണം പൂര്ത്തിയാക്കിയത്. റേഡിയോ തരംഗങ്ങളുടെ സഹായത്തോടെ ആകാശ നിരീക്ഷണം സാധ്യമാക്കുന്ന ജ്യോതിശാസ്ത്ര ഉപകരണമായ റേഡിയോ ടെലിസ്കോപിന്റെ സാങ്കേതിക പരിശോധന പൂര്ത്തിയായാല് ഉടന് പ്രവര്ത്തനസജ്ജമാകുമെന്ന് സൗദി അമേച്വര് റേഡിയോ സൊസൈറ്റി വക്താക്കള് അറിയിച്ചു.
ഹാ ഇല് മുനിസിപ്പാലിറ്റിയുടെ പൂര്ണ സഹകരണത്തോടെയാണ് മിഡിലീസിറ്റിലെ ജ്യോതിശാസ്ത്ര മേഖലയില് നിര്ണായകമായ വഴിത്തിരിവുണ്ടാക്കാന് വഴിവെക്കുന്ന റെഡിയോ ടെലിസ്കോപിന്റെ നിര്മ്മാണം പൂര്ത്തിയാക്കിയതെന്ന് സൗദി അമേച്വര് റേഡിയോ സൊസൈറ്റി ചെയര്മാന് ബദര് ബിന് ഫഹദ് ബിന് ഫൈസല് പറഞ്ഞു. 2030ലെ ജ്യോതിശാസ്ത്ര പദ്ധതിയിലെ ലക്ഷ്യങ്ങളില് മുഖ്യമായ ഒന്നാണ് വിപുലമായ റേഡിയോ ടെലിസ്കോപ്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL