October 15, 2022
October 15, 2022
ന്യൂസ്‌റൂം സ്പോർട്സ് ഡെസ്‌ക്
ദോഹ : ഖത്തർ ലോകകപ്പ് തന്റെ അവസാന ലോകകപ്പായിരിക്കുമെന്ന് പ്രഖ്യാപിച്ച ലയണൽ മെസ്സി ഖത്തർ ലോകകപ്പിൽ തന്റെ ടീമിന്റെ പ്രകടനം എങ്ങനെയായിരിക്കുമെന്ന കാര്യത്തിലും ആശങ്ക പങ്കുവെച്ചു.ഏഴ് തവണ ബാലൺ ഡി ഓർ ജേതാവായ ലയണൽ മെസ്സി ഡയറക്‌ടിവി സ്‌പോർട്‌സിനോടാണ് ഇക്കാര്യത്തിലുള്ള തന്റെ ആശങ്ക പങ്കുവെച്ചത്.ലോകകപ്പ് ഏതാനും വിളിപ്പാടകലെ നിൽക്കെഅർജന്റീനയുടെ ദേശീയ താരങ്ങളായ എയ്ഞ്ചൽ ഡി മരിയയ്ക്കും പൗലോ ഡിബാലയ്ക്കും അടുത്തിടെയുണ്ടായ പരിക്കുകളിൽ ആശങ്കയുണ്ടെന്ന് അദ്ദേഹം പറഞ്ഞു.
കാലിലുണ്ടായ പരിക്ക് കാരണം പി‌എസ്‌ജിയുടെ അവസാന രണ്ട് മത്സരങ്ങൾ മെസ്സിക്ക് നഷ്ടമായിരുന്നു.
"തീർച്ചയായും പ്രധാന താരങ്ങളുടെ പരിക്കിൽ ആശങ്കയുണ്ട്. മുൻ ടൂർണമെന്റുകളിൽ നിന്ന് വ്യത്യസ്തമായ ഒരു ലോകകപ്പാണ് ഇത്, നിങ്ങളെ ബാധിക്കുന്ന ചെറിയകാര്യം പോലും പുറത്തേക്കുള്ള വഴിയാകും"-അദ്ദേഹം പറഞ്ഞു.ലോകകപ്പ് അടുത്തെത്തി നിൽക്കുമ്പോഴുണ്ടായ പരിക്കിന്റെ തീവ്രത അങ്ങേയറ്റം ഭയപ്പെടുത്തുന്നതാണെന്ന് മെസ്സി വ്യക്തമാക്കി.
"ലോകകപ്പ് ആകുമ്പോഴേക്കും രണ്ടുപേരും സുഖം പ്രാപിക്കുമെന്ന് തന്നെ ഞാൻ പ്രതീക്ഷിക്കുന്നു,സുഖം പ്രാപിക്കാൻ ധാരാളം സമയമുണ്ട്. നമുക്കെല്ലാവർക്കും നല്ല ആരോഗ്യത്തോടെ അവിടെയെത്താൻ കഴിയുമെന്ന് തന്നെ പ്രതീക്ഷിക്കുന്നു."മെസ്സി പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
