June 25, 2023
June 25, 2023
ന്യൂസ്റൂം ബ്യുറോ
റിയാദ് :മലപ്പുറം കോഡൂര് ചെമ്മന്കടവ് സ്വദേശി പട്ടര്കടവന് അബ്ദുല്വഹാബ് (52) റിയാദിൽ നിര്യാതനായി.മലസില് താമസിക്കുന്ന വഹാബിനെ ശ്വാസ തടസ്സം ഉണ്ടായതിനെ തുടര്ന്ന് റിയാദ് നാഷണല് കെയര് ആശുപത്രിയിൽ പ്രവേശിപ്പിക്കുകയായിരുന്നു. ഹൃദയാഘാതത്തെ തുടർന്നായിരുന്നു അന്ത്യം.
പട്ടര്കടവന് മൊയ്തീന്- ഫാത്തിമ ദമ്പതികളുടെ മകനാണ്. സമീറ കക്കോട്ടില് ആണ് ഭാര്യ. മുഹമ്മദ് ജസീല്, മുഹമ്മദ് അനസ് മക്കളാണ്. ഖദീജ,പരേതനായ ശംസുദ്ദീന് സഹോദരങ്ങളാണ്. ശംസുദ്ദീന് മൂന്നു വര്ഷം മുമ്പ് റിയാദില് മരിച്ചിരുന്നു. മൃതദേഹവുമായി ബന്ധപ്പെട്ട നടപടിക്രമങ്ങള്ക്ക് റിയാദ് കെഎംസിസി വെല്ഫയര് വിംഗ് ചെയര്മാന് സിദ്ദീഖ് തുവ്വൂര്, സുഹൃത്ത് അഡ്വ. ശരീഫ് എന്നിവര് രംഗത്തുണ്ട്.
ഏറ്റവും പുതിയ വാർത്തകളും ഖത്തറിലെ തൊഴിൽ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/LiM4EdDAtkTAmYRCb0LMz9