November 28, 2022
November 28, 2022
അൻവർ പാലേരി
ദോഹ : 'മലയാളികളുടെ അഭിമാനമുണ്ട്' ഒരു പരസ്യവാചകമാണെങ്കിലും വിശേഷാവസരങ്ങളിലെല്ലാം മുണ്ടുടുത്ത് തനി മലയാളിയാവാൻ ആഗ്രഹിക്കുന്നവരാണ് മലയാളികൾ.ലോകമെമ്പാടുമുള്ള ഫുട്ബോൾ ആരാധകർ ലോകകപ്പിന്റെ ആവേശത്തിൽ മുഴുകുമ്പോഴും ഖത്തർ മലയാളികൾ ഇതിന് മാറ്റമൊന്നും വരുത്തുന്നില്ല.കേരളത്തിൽ ഏറ്റവുമധികം ആരാധകരുള്ള ബ്രസീലിന്റെയും അർജന്റീനയുടേയും പോർചുഗലിന്റെയും ജർമനിയുടെയും ഫാൻ നിറങ്ങളിലുള്ള ഉടുമുണ്ടുകൾ ഒരുക്കിയാണ് ഖത്തർ മലയാളികൾ ലോകകപ്പ് ഗാലറികളിലും വേറിട്ട കാഴ്ചായൊരുക്കുന്നത്.
ഖത്തറിൽ താമസിക്കുന്ന തൃശൂർ എഞ്ചിനിയറിങ് കോളേജിലെ പൂർവ വിദ്യാർത്ഥികളാണ് ലോകകപ്പിനായി കേരളത്തിന്റെ 'അഭിമാന മുണ്ടുകൾ' എത്തിച്ചത്. വിവിധ ടീമുകളുടെ ഡിസൈനിലുള്ള ജേഴ്സികളും ഷാളുകളും സ്കാർഫുകളുമൊക്കെ ലോകകപ്പ് ആരാധകരുടെ ശ്രദ്ധ നേടുന്നതിനിടെയാണ് ഫാൻ മുണ്ടുകൾ ഖത്തറിൽ ട്രെൻഡ് ആകുന്നത്. മുണ്ടു ധരിച്ച ആളുകളുമായി ഫോട്ടോക്ക് പോസ് ചെയ്യാൻ നിരവധി ഫുട്ബോൾ ആരാധകരാണ് എത്തുന്നത് .മറ്റ് ഫാൻ വസ്ത്രങ്ങളെ അപേക്ഷിച്ച് മുണ്ടുകൾ വ്യത്യസ്തമാണെന്ന് ആരാധകർ പറയുന്നു.
ദോഹ ഡി റിങ് റോഡിലെ ലുലു മാൾ,ഏഷ്യൻ ടൗണിലെ ഗ്രാൻഡ് മാൾ,സഫാരി മാൾ എന്നിവിടങ്ങളിൽ ഫാൻ മുണ്ടുകൾ ലഭ്യമാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക