May 19, 2023
May 19, 2023
ന്യൂസ്‌റൂം ബ്യുറോ
ദോഹ :ചരിഞ്ഞ പ്രധാന കെട്ടിടവും മിനാരവുമുള്ള ഈ പള്ളി കണ്ടാൽ നിലംപൊത്താൻ സമയം കാത്തുകിടക്കുന്ന ഒരു പുരാതന മസ്ജിദ് ആണെന്ന് ആർക്കെങ്കിലും തോന്നിയാൽ കുറ്റം പറയാനാവില്ല.ദുഖാൻ ഹൈവേയിലൂടെ 30 കിലോമീറ്റർ സഞ്ചരിച്ച് ഷഹാനിയയിലെ ഷെയ്ഖ് ഫൈസൽ ബിൻ ഖാസിം അൽതാനി മ്യൂസിയത്തിലെത്തിയാൽ ആരും ആദ്യമൊന്ന് അമ്പരക്കും.ആ രീതിയിലാണ് ഈ കെട്ടിടത്തിന്റെ രൂപകൽപന. മസ്ജിദിന്റെ വളഞ്ഞ വാസ്തുവിദ്യയുടെയും ചരിഞ്ഞ മിനാരത്തിന്റെയും വീഡിയോ അബ്ദൽ ഹാമിദ് ഗാദ് എന്ന വ്‌ളോഗറാണ് ട്വിറ്ററിൽ പങ്കുവെച്ചത്.
المسجد المائل في قطر .. عندما لاحظته بالصدفة ????.. #المهندس_حميد pic.twitter.com/MaHkKHxfeC
— Abdelhamid Gad (@Abdelhameedgad) May 17, 2023
അൽ ഷഹാനിയ സിറ്റിയിലെ മ്യൂസിയം.പള്ളി അതിന്റെ സവിശേഷമായ വാസ്തുവിദ്യാ രൂപകല്പന കൊണ്ടാണ് സന്ദർശകരുടെ മനം കവരുന്നത്.മ്യൂസിയത്തിന്റെ ഇൻഫർമേഷൻ സെന്റർ പറയുന്നതനുസരിച്ച്,ഷെയ്ഖ് ഫൈസൽ തന്നെയാണ് പള്ളിയുടെ സൂത്രധാരൻ 20 ഡിഗ്രി ചെരിവുള്ള 27 മീറ്റർ ഉയരമുള്ളതാണ് പള്ളിയുടെ രൂപഘടന. കെട്ടിടത്തെ താങ്ങിനിർത്താൻ 2.5 മീറ്റർ താഴ്ചയിൽ എട്ട് പൈലുകളുള്ള പ്രത്യേക സുരക്ഷാ കവചം തീർത്തിട്ടുണ്ട്. കല്ലുകൊണ്ട് നിർമ്മിച്ച ചുവരുകളും വർണ്ണാഭമായ ഗ്ലാസ് കൊണ്ട് നിർമ്മിച്ച ജനാലകളും പള്ളിയുടെ ആകർഷണം വർധിപ്പിക്കുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
