April 16, 2020
April 16, 2020
കുവൈത്ത് സിറ്റി : കോവിഡ് വ്യാപനത്തെ തുടർന്ന് യാത്രാ നിയന്ത്രണങ്ങൾ തുടരുന്ന സാഹചര്യത്തിൽ സന്ദർശക വിസയിൽ ഉൾപെടെ കുവൈത്തിൽ തുടരുന്നവർക്ക് വിസാ കാലാവധി നീട്ടി നൽകുമെന്ന് ആഭ്യന്തര വിഭാഗം അറിയിച്ചു. മാർച്ച് ഒന്നു മുതൽ മെയ് 31 വരെയാണ് കാലാവധി നീട്ടി നൽകുക. സന്ദർശക വിസയിൽ എത്തിയവർക്കും ആനുകൂല്യം ലഭിക്കും. പ്രത്യേക അപേക്ഷ നൽകാതെ സ്വാഭാവികമായി തന്നെ വിസകാലാവധി മെയ് 31വരെ ആക്കും.
ആഭ്യന്തരമന്ത്രി അനസ് അസ്സ്വാലിഹ് ഇത്തരമൊരു ഉത്തരവ് ഇറക്കിയത്. സർക്കാർ ഓഫീസുകൾക്കും മറ്റും ഏപ്രിൽ 26 വരെ അവധിയായതും കോവിഡ് നിയന്ത്രണങ്ങളും പരിഗണിച്ചാണ് നടപടി. കോവിഡ് പ്രതിസന്ധിയെ തുടർന്ന് കുവൈത്തിൽ കുടുങ്ങിപ്പോയവർക്കും വിസ പുതുക്കാൻ സാധിക്കാത്തവർക്കും ഏറെ ആശ്വാസം പകരുന്ന തീരുമാനമാണ് ഇത്. നിലവിൽ കുവൈത്തിലുള്ള വിസ കാലാവധി കഴിഞ്ഞ എല്ലാവർക്കും പ്രത്യേക അപേക്ഷ നൽകാതെ സ്വാഭാവികമായി ആനുകൂല്യം ലഭിക്കും.
ന്യുസ്റൂം വാർത്തകൾ മുടങ്ങാതെ വാട്സ്ആപ്പിൽ ലഭിക്കാൻ +974 66200167 എന്ന ഖത്തർ വാട്സ് ആപ് നമ്പറിലേക്ക് സന്ദേശമയക്കുക.