August 07, 2023
August 07, 2023
ന്യൂസ്‌റൂം ബ്യൂറോ
റിയാദ്: ഇന്ത്യക്കാരനെ കൊലപ്പെടുത്തിയ കേസില്‍ രണ്ട് സൗദി പൗരന്മാരുടെ വധശിക്ഷ നടപ്പാക്കി. റിയാദ് ക്രിമിനല്‍ കോടതിയാണ് ശിക്ഷ വിധിച്ചത്.
മുഹമ്മദ് ഹുസൈന്‍ അന്‍സാരി എന്ന ഇന്ത്യക്കാരനെ കാറിടിച്ച് കൊലപ്പെടുത്തിയ കേസിലാണ് ഇവരുടെ ശിക്ഷ വിധിച്ചത്. സൗദി പൗരന്മാരായ അബ്ദുള്ള മുബാറക് അല്‍ അജമി മുഹമ്മദ്, സൈഅലി അല്‍ അനസി എന്നിവരുടെ വധശിക്ഷയാണ് റിയാദില്‍ നടപ്പാക്കിയത്.
ഞായറാഴ്ച രാവിലെയാണ് ഇരുവരുടെയും വധശിക്ഷ നടപ്പാക്കിയത്. കവര്‍ച്ച ലക്ഷ്യമിട്ട്, കാറിടിച്ച് കൊലപ്പെടുത്തിയ ശേഷം ഇന്ത്യക്കാരന്റെ കൈവശമുണ്ടായിരുന്ന പണവും മറ്റു വസ്തുക്കളും പ്രതികള്‍ മോഷ്ടിക്കുകയായിരുന്നു.
കൂടാതെ, മയക്കുമരുന്ന് ഉപയോഗിക്കുകയും, മറ്റ് പലരെയും ഭീഷണിപ്പെടുത്തിയും, കൊള്ളയടിക്കുകയും ചെയ്ത പ്രതികളെ പൊലീസ് കണ്ടെത്തുകയായിരുന്നു. പൊലീസിനെതിരെയും പ്രതികൾ ആയുധമുയര്‍ത്തിയിരുന്നു. തുടര്‍ന്ന് പ്രതികള്‍ക്കെതിരെ പ്രോസിക്യൂഷന്‍ ഉന്നയിച്ച കുറ്റങ്ങള്‍ കോടതിയില്‍ തെളിയുകയായിരുന്നു.
റിയാദ് ക്രിമിനല്‍ കോടതിയിൽ കുറ്റങ്ങൾ തെളിഞ്ഞതോടെ വധശിക്ഷ വിധിക്കുകയായിരുന്നു. അതിനു ശേഷം, അപ്പീല്‍ കോടതിയും മേല്‍ക്കോടതിയും വിധിയെ അനുകൂലിച്ചു. തുടർന്ന്, ശിക്ഷ നടപ്പാക്കാനുള്ള അനുമതി റോയല്‍ കോര്‍ട്ടും നല്‍കി.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
