May 21, 2023
May 21, 2023
ന്യൂസ്‌റൂം ബ്യുറോ
യാംബു: കോഴിക്കോട് സ്വദേശിയായ യുവാവ് യാംബുവില്‍ ഹൃദയാഘാതം മൂലം നിര്യാതനായി. ചാലിയം കൊടക്കാട്ടകത്ത് കൊല്ലേരി വീട്ടില്‍ ശാഹുല്‍ ഹമീദ് (35) ആണ് ഞായറാഴ്ച പുലര്‍ച്ചെ മരിച്ചത്.
നാലുവര്‍ഷമായി യാംബുവില്‍ ബ്യുനോ മീല്‍ സര്‍വിങ് കമ്ബനി (ഫാസ്റ്റ് ഫുഡ്) ജീവനക്കാരനായിരുന്നു. നേരത്തെ ഇദ്ദേഹം ജിദ്ദയിലും ജോലി ചെയ്തിരുന്നു.
പതിവ് പോലെ റെസ്റ്ററന്റില്‍ നിന്ന് ജോലി കഴിഞ്ഞ് പുലര്‍ച്ചെ സുഹൃത്തുക്കളോടൊപ്പം റൂമിലെത്തിയ ശാഹുല്‍ ഹമീദിന് ഭക്ഷണം കഴിച്ച്‌ സുബ്ഹ് നമസ്കാരം നിര്‍വഹിക്കാനുള്ള ഒരുക്കത്തിനിടയില്‍ നെഞ്ചുവേദന അനുഭവപ്പെടുകയായിരുന്നു. ഉടന്‍ സുഹൃത്തുക്കളും കമ്ബനി അധികൃതരും യാംബു ജനറല്‍ ആശുപത്രിയില്‍ എത്തിച്ചെങ്കിലും മരിക്കുകയായിരുന്നു.
പിതാവ്: കൊടക്കാട്ടകത്ത് കൊല്ലേരി സൈതലവി. മാതാവ്: പുത്തലത്ത് ഫാത്തിമ. ഭാര്യ: റോസിന. മക്കള്‍: ഇന്‍ശാ മെഹ്റിന്‍, ദുആ മെഹ്റിന്‍. യാംബു ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടികള്‍ പൂര്‍ത്തിയാക്കി യാംബുവില്‍ ഖബറടക്കുമെന്ന് ബന്ധപ്പെട്ടവര്‍ അറിയിച്ചു. കമ്ബനി അധികൃതരും കെ.എം.സി.സി യാംബു സെന്‍ട്രല്‍ കമ്മിറ്റി നേതാക്കളും നടപടികള്‍ പൂര്‍ത്തിയാക്കാന്‍ രംഗത്തുണ്ട്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
