April 12, 2023
April 12, 2023
ന്യൂസ്‌റൂം ബ്യൂറോ
റിയാദ്: വിശുദ്ധ റമദാനില്‍ ഹറമിലെത്തുന്നവരുടെ സഞ്ചാരം കൂടുതല്‍ എളുപ്പമാക്കാന്‍ കിങ് അബ്ദുല്‍ അസീസ് റോഡ് താല്‍ക്കാലികമായി തുറന്നു. മക്ക ഡെപ്യൂട്ടി ഗവര്‍ണര്‍ അമീര്‍ ബദ്ര്‍ ബിന്‍ സുല്‍ത്താന്‍ കിങ് അബ്ദുല്‍ അസീസ് റോഡിന്റെ ഉദ്ഘാടനം നിര്‍വഹിച്ചു. റമദാന്‍ മാസത്തില്‍ സന്ദര്‍ശകരുടെയും തീര്‍ഥാടകരുടെയും സഞ്ചാരം സുഗമമാക്കുന്നതിനാണ് നിര്‍മാണ ജോലികള്‍ പുരോഗമിക്കുന്ന കിങ് അബ്ദുല്‍ അസീസ് റോഡിന്റെ 3.65 കി.മീ. താല്‍ക്കാലികമായി തുറന്നത്. ഇതോടെ ബസുകള്‍ക്കും ഹറമിനടുത്ത ഹോട്ടലുകളിലെ അതിഥികള്‍ക്കും ഹറമിലേക്കും തിരിച്ചുമുള്ള യാത്ര കൂടുതല്‍ എളുപ്പമാകും.
നിക്ഷേപക മന്ത്രി ഖാലിദ് അല്‍ ഫാലിഹ്, ഗതാഗത ലോജിസ്റ്റിക് മന്ത്രി സാലിഹ് അല്‍ ജാസര്‍, ഹജ്ജ്-ഉംറ മാന്ത്രി ഡോ. തൗഫീഖ് അല്‍ റബീഅ, മക്ക ആക്ടിങ് മേയര്‍ സാലിഹ് അല്‍തുര്‍ക്കി, മക്ക മശാഇര്‍ റോയല്‍ കമീഷന്‍ ചെയര്‍മാന്‍ സാലിഹ് അല്‍ റഷീദ് എന്നിവര്‍ ഉദ്ഘാടന ചടങ്ങില്‍ പങ്കെടുത്തു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
