July 10, 2022
July 10, 2022
റിയാദ്: റിയാദിലെ കേളി കലാസാംസ്കാരിക വേദി മജ്മഅ യൂനിറ്റ് അംഗവും ജീവകാരുണ്യ പ്രവര്ത്തകനുമായ തിരുവനന്തപുരം നെടുമങ്ങാട് സ്വദേശി അബ്ദുല് റഷീദ് (73) റിയാദിൽ നിര്യാതനായി. ഹൃദയാഘാതത്തെ തുടർന്നായിരുന്നു അന്ത്യം..കഴിഞ്ഞ 40 വര്ഷമായി മജ്മഅയിലെ സ്വകാര്യ കണ്സ്ട്രക്ഷന് കമ്പനിയില് ജീവനക്കാരനായിരുന്നു.
കേളിയുടെ മജ്മഅ യൂനിറ്റ് രൂപീകരണ കാലം മുതല് സജീവമായ അബ്ദുള് റഷീദ് ഒട്ടനവധി ജീവകാരുണ്യ പ്രവര്ത്തനങ്ങള്ക്ക് നേതൃത്വം നല്കിയിരുന്നു. ഹൃദയസ്തംഭനത്തെ തുടര്ന്ന് മജ്മഅ കിങ് ഖാലിദ് ആശുപത്രിയില് വെച്ചായിരുന്നു അന്ത്യം. ഭാര്യ: ഷൈല ബീബി. മക്കള്: നസര്, സിമി, അഷ്കര്. അന്സീര് മരുമകനാണ്. മൃതദേഹം സൗദിയില് സംസ്കരിക്കാനുള്ള നടപടിക്ക് കേളി മലാസ് ഏരിയ ജീവകാരുണ്യ കമ്മിറ്റിയും കേന്ദ്ര ജീവകാരുണ്യ കമ്മിറ്റിയും നേതൃത്വം നല്കുന്നു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക