April 04, 2023
April 04, 2023
ന്യൂസ്‌റൂം ബ്യൂറോ
റിയാദ്: ഹൃദയാഘാതത്തെ തുടര്‍ന്ന് കണ്ണൂര്‍ ആയിക്കര സൈതമ്മറത്ത് ലാഞ്ചിറ പുരയില്‍ പരേതനായ മഹമൂദിന്റെ മകന്‍ സര്‍ഫ്രാസ് മഹമൂദ് (37) അല്‍ ഖോബാറില്‍ നിര്യാതനായി. ദമാമിലെ ആര്‍ക്ക് ആന്റ് ബില്‍ഡ് കമ്പനിയില്‍ മാനേജര്‍ ആയി ജോലി ചെയ്യുകയായിരുന്ന ഇദ്ദേഹത്തെ പെട്ടന്നുണ്ടായ നെഞ്ചു വേദനയെ തുടര്‍ന്ന് അല്‍ ഖോബാറിലെ അല്‍ മന ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
അല്‍ ഖോബാര്‍ അല്‍ മന ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മയ്യിത്ത് ഇന്ന് ഇശാ നമസ്‌കാരത്തിനുശേഷം ദമാം 91 ഖബര്‍സ്ഥാനില്‍ മറവു ചെയ്യും. പതിമൂന്നു വര്‍ഷം മുന്‍പ് ദമാമില്‍ മരിച്ച സര്‍ഫ്രാസിന്റെ പിതാവ് മഹമൂദിന്റെ മയ്യിത്ത് ദമാം ഖബര്‍ സ്ഥാനിലാണ് മറവു ചെയ്തിരുന്നത്. കുടുംബത്തിന്റെ ആഗ്രഹ പ്രകാരം ഇതേ ഖബര്‍സ്ഥാനില്‍ തന്നെ സര്‍ഫ്രാസിനെയും മറവു ചെയ്യുക.
ഭാര്യ: ഫാത്തിമ ഷഹിസ്തത, മക്കള്‍: ഇനായ ഫാത്തിമ, മുഹമ്മദ് ഇഷാന്‍, മാതാവ്: ശരീഫ മഹമൂദ്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
