November 24, 2022
November 24, 2022
ന്യൂസ്റൂം ബ്യുറോ
ജിദ്ദ : ഇന്ന് ഉച്ചയോടെ മഴ ശക്തി പ്രാപിക്കാൻ സാധ്യതയുള്ളതിനാൽ അതീവ ജാഗ്രത പുലർത്താൻ നിർദേശം. സൗദി അറേബ്യയിലെ ജിദ്ദയില് സ്കൂളുകള്ക്കും സര്വകലാശാലകള്ക്കും ഇന്ന് അവധി പ്രഖ്യാപിച്ചിട്ടുണ്ട്. ജിദ്ദ, റാബിഗ്, ഖുലൈസ് എന്നിവിടങ്ങളിലെ വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധിയായിരിക്കുമെന്ന് ഔദ്യോഗിക അറിയിപ്പിൽ വ്യക്തമാക്കി.
ദേശീയ കാലാവസ്ഥാ നിരീക്ഷണ കേന്ദ്രത്തില് നിന്ന് ലഭിച്ച റിപ്പോര്ട്ട് പ്രകാരം കനത്ത മഴയ്ക്ക് സാധ്യതയുള്ളതിനാല് വിദ്യാര്ത്ഥികളുടെ സുരക്ഷ കണക്കിലെടുത്താണ് അവധി നല്കുന്നതെന്ന് വിദ്യാഭ്യാസ ഡയറക്ടറേറ്റ് അറിയിച്ചു. ജിദ്ദ ആസ്ഥാനമായുള്ള കിങ് അബ്ദുല് അസീസ് സര്വകലാശാലയും ജിദ്ദ സര്വകലാശാലയും സമാനമായ നടപടികള് സ്വീകരിച്ചിട്ടുണ്ട്.
മാറ്റിവെച്ച പരീക്ഷകള്ക്ക് പകരമുള്ള തീയ്യതികള് പിന്നീട് അറിയിക്കുമെന്ന് കിങ് അബ്ദുല് അസീസ് സര്വകലാശാല അറിയിച്ചു. ജനങ്ങള് ജാഗ്രത പാലിക്കണമെന്ന് സിവില് ഡിഫന്സും മുന്നറിയിപ്പ് നല്കിയിട്ടുണ്ട്. മഴവെള്ളം കെട്ടിനില്ക്കുന്ന സ്ഥലങ്ങളില് നിന്നും താഴ്വരകളില് നിന്നും അകലം പാലിക്കണമെന്നും നിര്ദേശങ്ങളില് പറയുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക