March 20, 2023
March 20, 2023
ന്യൂസ്റൂം ബ്യുറോ
റിയാദ്:സൗദി അറേബ്യയിലെ ജിസാന് പ്രവിശ്യയില്പ്പെട്ട വാദി അബൂഹതാറയില് പിക്കപ്പ് മലവെള്ളപ്പാച്ചിലില്പ്പെട്ട് കാണാതായ സൗദി കുടുംബത്തിലെ നാലാമത്തെ ബാലികയുടെ മൃതദേഹവും കണ്ടെത്തി. സിവില് ഡിഫന്സ് അധികൃതരും വളണ്ടിയര്മാരും ദിവസങ്ങള് നീണ്ട ഊര്ജിതമായ തിരച്ചലിനൊടുവിലാണ് പിക്കപ്പ് മലവെള്ളപ്പാച്ചിലില്പ്പെട്ട സ്ഥലത്തു നിന്ന് 30 കിലോമീറ്റര് ദൂരെയായി മൃതദേഹം കണ്ടെത്തിയത്.
ഒഴുക്കില്പ്പെട്ട് മരിച്ച രണ്ടു ബലികമാരുടെയും ബാലന്റെയും മയ്യിത്തുകള് ഖബറടക്കിയ അതേ ദിവസം തന്നെയാണ് നാലാമത്തെ ബാലികയുടെ മൃതദേഹം കണ്ടെത്തിയത്. അല്മല്ഹാ ഗ്രാമത്തിന് തെക്കുപടിഞ്ഞാറ് മുള്ച്ചെടികള്ക്ക് നടുവില് കുടുങ്ങിക്കിടക്കുന്ന നിലയിലാണ് ബാലികയുടെ മൃതദേഹം ആട്ടിടയന്മാര് കണ്ടെത്തിയത്.
സൗദി പൗരന് ഇബ്രാഹിം മസാവിയും നാലു മക്കളും സഞ്ചരിച്ച പിക്കപ്പാണ് മലവെള്ളപ്പാച്ചിലില്പ്പെട്ടത്. റോഡ് രൂപകല്പ്പന ചെയ്തതിലെ അശാസ്ത്രീയതയാണ് അപകടകാരണമെന്ന് വിമര്ശനം ഉയരുന്നുണ്ട്. ബാരികേഡുകളില്ലാത്തതും മലവെള്ളത്തിന് കടന്നുപോകാന് പാകത്തിന് നിര്മ്മിച്ചതുമാണ് അപകടക്കാരണമെന്ന് വിമര്ശനം ഉയരുന്നുണ്ട്. മുമ്പും ഈ താഴ്വരയില് വാഹനങ്ങള് ഒഴുക്കില്പ്പെട്ടിട്ടുണ്ട്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva